Նյու Յորքում անցկացված Cheap-Chic-Weddings էժան և գեղեցիկ հարսանեկան զգեստների մրցույթում հաղթող է ճանաչվել զուգարանի 10 մեծ թղթագլաններից պատրաստված զգեստը, գրում է The Telegraph-ը: Զգեստի հեղինակը Միչիգան նահանգի 26-ամյա բնակչուհի Սյուզան Բրենանն է, ով իր ստեղծագործության համար 2012 դոլարով է պարգևատրվել: Նրանից ուղիղ մեկ շաբաթ է պահանջվել զուգարանի թուղթը զգեստի վերածելու համար, որն զարդարել է մարգարիտներով և բյուրեղներով: «Ես ցանկանում էի այնպիսի օրիգինալ զգեստ ստեղծել, որը հաճույքով կկրեին երիտասարդ հարսները»,- ասել է Բրենանը: Մրցույթն 8-րդ անգամ է անցկացվում և միտված է համոզելու, որ գեղեցիկ տեսք ունենալու համար պարտադիր չէ մեծ գումարներ ծախսել: |
