Բարսելոնայի գլխավոր մարզիչ Խոսեպ Գվարդիոլան Միլանի հետ արտագնա զոլազուրկ ոչ-ոքիից հետո կայացած մամուլի ասուլիսում ընդգծել է, որ պատասխան խաղում լեփ-լեցուն Կամպ Նոուն պետք է օգնի իր սաներին դուրս գալ կիսաեզրափակիչ:
Այն փաստը, որ Միլանը գոհ է այսօրվա արդյունքից, մեզ համար մեծագույն կոմպլիմենտ է: Առաջին խաղում հնարավոր չէ վճռել դիմակայության ելքը, բայց ակնհայտ է, որ մեզ պակասում է մրցակցի հարկի տալ խփած գոլ: Մենք արժանի ենք գովասանքի, որ եկել էինք այստեղ իսկական ֆուտբոլ խաղալու: Ես ինքս մեծ կարծիքի եմ իմ խաղացողների մասին, ովքեր 17 հարված կատարեցին դարպասին,-Գվարդիոլայի խոսքերը մեջբերել է ՈւԵՖԱ-ի պաշտոնական կայքը:
Հաղթողի կոչումը նվաճելու համար պետք է հաղթահարել տարբեր փորձություններ: Նախկինում մենք հաղթահարել են շատ դժվարություններ ու հետագայում էլ այդպես կվարվենք: Պետք է ձգտել սեփական գործն ավելի ու ավելի լավ անել, այլ ճանապարհ չկա:
Եթե չհաշվենք մեկնարկի պահերը՝ ներառելով Իմբրահիմովիչի Վալդեսի դեմ մեն-մենակ դուրս գալը Միլանը» գրեթե չսպառնաց մեր դարպասին: Պատասխան հանդիպումը բարդ է լինելու, քանի որ Միլանը» վտանգավոր մրցակից է: Սակայն մենք գիտենք, որ կիսաեզրափակիչ դուրս գալու համար պետք է հաղթել ընդամենը մեկ հանդիպում: Որպեսզի լուծենք այդ խնդիրը, մեզ հարկավոր են Կամպ Նոուի» լեփ-լեցուն տրիբունաները: Ոչ-ոքին այժմ ընդհանրապես ձեռնտու չէ,-եզրափակել է կատալոնացիների գլխավոր մարզիչը:
|