Ստորև Ձեր ուշադրությանն ենք ներկայացնում այսօր կայանալիք Վիկտորիա Պլզեն - Բարսելոնա խաղին վերաբերող որոշ հետաքրքրաշարժ փաստեր:
► Եվրոպական մրցասպարեզում` Չեխիայում, Բարսելոնան իր ողջ պատմության ընթացքում 5 անգամ է խաղացել` իր հաշվին գրանցելով 2 - ական հաղթանակ և պարտություն ու ոչ ոքի խաղալով 1 անգամ:
► Չեմպիոնների լիգայի վերջին 3 արտագնա խաղերում Բարսելոնան հաղթել է: Նախ 0 - 1 Շախտյորին, ապա 0 - 2 Ռեալ Մադրիդին, իսկ հետո էլ 0 - 5 Բատեին: Բացի այդ, Գվարդիոլայի թիմը հաղթել է 0 - 2 հաշվով Պորտուին` Մոնակոյում:
► Բարսելոնան եվրոպական մրցասպարեզում 395 գոլ է խփել իր պատմության ընթացքում:
► Բարսան Չեմպիոննելի լիգայի ընթացիկ խաղարկությունում ամենաշատ գոլեր խփած (9 գոլ) և ամենաշատ անկյունայիններ իրացրած (23 անկյունային) թիմն է:
► Դավիդ Վիլյան Չեմպիոնների լիգայի ընթացիկ խաղարկության միակ ֆուտբոլիստն է, ով աչքի է ընկել բոլոր 3 խաղերում:
► Մեսսին ամենաշատ դիպուկ հարվածներ կատարած խաղացողն է (8 հարված դարպասին):
► Վիկտորիա Պլզենն այս մրցաշրջանում` Չեմպիոնների լիգայում, չի պարտվել սեփական դաշտում: Ընտրական փլեյյ - օֆֆ փուլի բոլոր 3 խաղերում չեխական թիմը հաղթել է, իսկ խմբային փուլի առայժմ միակ խաղում ոչ ոքի է խաղացել Բատեի հետ:
► Եթե Դանիել Ալվեսը դեղին քարտ ստանա, ապա բաց կթողնի հաջորդ խաղը Չեմպիոնների լիգայում:
► Արդեն 22 անընդմեջ պաշտոնական խաղ է, ինչ Բարսելոնան չի պարտվել: Վերջին անգամ Պեպի թիմին պարտության է մատնել Ռեալ Սոսյեդադը 2 - 1 հաշվով: Դա եղել է ապրիլի 30 - ին:
► Հանդիպման գլխավոր մրցավարը Ռոբերտ Շորգենհոֆերն է, ով երբեք չի սպասարկել Վիկտորիայի կամ Բարսայի մասնակցությամբ գեթ 1 խաղ: Ավստրիացի մրցավարի համար այսօրվա խաղը կլինի ընդամենը 3 - րդը Չեմպիոնների լիգայում: