Թե ում էր հարկավոր վերոնշյալ երգչի երգի հիման վրա հավաքել մի վիդեո Սերժ Թանկյանի նկարներով` չգիտեմ, համենայն դեպս մի քանի վայրկյանների ընթացքում լիքը մարդիկ ուրախացան…..Ինչևէ մի փաստ….
Երգի յուրաքանչյուր տողում կա ճշմարտություն, որի հետ չհամաձայնել չենք կարող: Որոշեցի նման մի բան գրել` մանավանդ կանանց միամսյակ է, գեղեցկության տոն, և այլն և այլն և այլն ………… Դե, սիրելի հայ աղջիկներ, եթե պատրաստ եք կարդալ, թե ինչ են ձեր մասին մտածում մեր հայկական ռոք խմբերի ներկայացուցիչները, ապա գնացինք….թե չէ այս երգը մի քիչ շատ մուգ գույների մեջ է, իսկ դրսում գարուն է;) Road Movie խմբի նորկայացուցիչ Հենրիխ Կարագյոզյանի կարծիքով կյանքն առաջ է ընթանում ու պետք չէ դրանից հետ մնալ:
” Ամեն ինչ փոխվում է ժամանակի ընթացքում: Ամեն ինչ չի կարող միշտ նույնը մնալ , դուէլ կազմում ես այդ փոխվող աշխարհի մի մասը: Լավը տեսնողը միշտ էլ լավը կտեսի, իսկ ցանկության դեպքում միշտ էլ կարելի է բացասական կողմեր տեսնել: Մենք փորձում ենք առաջին հերթին դրականը տեսնել”: Այնպես որ աղջիկներ, քայլում ենք ժամանակին համընթաց;) Իսկ այժմ Daeron և Ayas խմբի հարվածայիններ նվագող Հարութ Քեշիշյանի կարծիքը, պատրաստ եք?
"Դե հայ աղջիկները առանձնանում են նրանով, որ նրանք կարծես հատուկ փորձություններ ստեղծեն տղաների համար և այդ տղան պիտի անցնի էդ բոլոր փորձությունները, որ հասնի այդ աղջկան, հա ու նաև մի հատ հատկություն ունենէ իրենց շաաաաատ ”թանկացնում”,- անկեղծացավ Հարութը: Աղջիկներ, առանց այդ էլ հիմա ամեն ինչ թանկացել է……….:D Տեղափոխվենք Թբիլիսի, Im Nebel խումբը հաճախակի է լինում Երևանում, իսկ խմբի երաժիշտ Սերգին արդեն հասցրել է կարծիք կազմել հայ աղջիկների մասին:
"Ընկերական են, ու ամենակարևորը չկա այն տհաճ սև գույնը հագուկապում, որ բոլորը հագնում են մեր մոտ”,-նշում է երաժիշտը: Վերադառնանք մեր սիրելի քաղաք և LSD խումբ ու Արեգ Առաքելյան….
"Ես շատ եմ սիրում աղջիկներին` անկախ նրանից նրանք հայ են, թե` ոչ ու անկախ նրանից, թե ինչ են մտածում: Նրանք նույնպես մեր հասարակության անդամներն են, ինչպես մենք` տղամարդիկ: Ես ձեզ սիրում եմ, ամեն ինչ ձեզ համար է”-եզրափակեց Արեգը: Խոստովանեք, որ շատ դրական նոտա էր, եկեք դրանով էլ ավարտենք, բայց ամեն դեպքում, ձեր ուշադրությանն եմ ներկայացնում Elon Sarafyan-ի երգը "Հայ աղջիկ”: |