Երեկ Վիկտոր Վալդեսն ակումբի պատմության մեջ նոր ռեկորդ սահմանեց: Նա գերազանցեց 1972/1973 մրցաշրջանում Միգել Ռեյնայի սահմանած ռեկորդը: Վերջինս 824 րոպե անառիկ էր պահել սեփական դարպասը: Խաղը նշանավորվեց նաև Մեսսիի 200 - րդ գոլով ու Ալեքսիս Սանչեզի վերադարձով:
Վիկտոր Վալդեսն այժմ Բարսելոնայի պատմության մեջ ամենաշատը սեփական դարպասն անառիկ պահած դարպասապահն է: Արդեն 877 րոպե է, ինչ Բարսայի այժմյան 1 համարը գնդակը չի հանել սեփական դարպասից: Նախորդ ռեկորդը պատկանում էր Միգել Ռեյնային, ով 1972/1973 մրցաշրջաններում 824 րոպե գոլ բաց չէր թողել: Վալդեսը դեռ կարող է բարելավել իր ցուցանիշը:
Աշխատեց ռեկորդի համար
Այնպես չէ, որ Վիկտորիա Պլզենի դեմ Վալդեսը ոչինչ չարեց: Հանդիպման 16 - րդ րոպեին Պետրզելան մեն - մենակ դուրս եկավ Վիկտորի հետ, բայց Բարսայի 1 համարի փայլուն ռեակցիան թույլ չտվեց դաշտի տերերին գոլ խփել: Այդ դրվագն առանցքայիններից մեկն էր երեկվա խաղում, քանի որ հենց դրանից հետո Ցիսովսկին արժանացավ կարմիր քարտի և նշանակվեց 11 մետրանոց:
Պաբլո Էրնանդեսը սեպտեմբերի 21 - ին` Մեստալյայում, Վալենսիա 2 - 2 Բարսելոնա հանդիպման 23 - րդ րոպեին առաջ մղեց վալենսիացիներին: Այդ պահից հետո Վալդեսը դեռ գոլ չի ընդունել: Նա անառիկ է պահել սեփական դարպասը Ատլետիկո Մադրիդի, Սպորտինգի, Ռասինգի, Սևիլյայի, Գրանադայի և Մալյորկայի դեմ խաղերում Լա Լիգայում, ինչպես նաև Բատեի և Վիկտորիա Պլզենի դեմ 2 հանդիպումներում Չեմպիոնների լիգայում:
Գվարդիոլան ու Մեսսին հասան 200 - ին, իսկ Ալեքսիսը վերադարձավ
Երեկ արձանագրված մյուս նշանակալից իրադարձությունների հեղինակներն են Խոսեպ Գվարդիոլան, Լիոնել Մեսսին ու Ալեքսիս Սանչեզը: Պեպը Բարսայի ղեկին անցկացրեց իր 200 - րդ խաղը, որոնցում թիմը տոնել 144 հաղթանակ` խփելով 500 գնդակ: Մեսսին խփեց իր 200 - րդ, 201 - րդ և 202 - րդ գոլերը Բարսայի կազմում` պաշտոնական խաղերում, իսկ Ալեքսիսը վերադարձավ շուրջ 1,5 ամիս բացակայությունից հետո: