Տյառնըդնառաջի կրակի վրայով թռչելիս, կամ շուրջը պտտվելիս հատուկ ցանկություններ պետք չէ պահել, խորհուրդ է տալիս Տեր Մարկոս քահանա Մանգասարյանը: Այսօր հրավիրված ասուլիսին նա ասաց, որ դա սնոտիապաշտություն է, ինչը դատապարտելի է եկեղեցու կողմից` ավելացնելով, որ առանց նախապաշարմունքների և իբրև զվարճություն խարույկի վրայով թռչելուն եկեղեցին դեմ չէ:
«Հիմնական ծիսակարգը սկսվում է այսօր երեկոյան ժամը 17:00-ի ժամերգությամբ, որից հետո հավատացյալները մոմերով կրակը տանում են տուն և իրենց բակերում խարույկ վառում»,- ասաց Տեր Մարկոս քահանա Մանգասարյանը և պարզաբանեց, որ կրակը վառելու սովորությունը հիշեցնում է Աստծո լույսը: «Սա բոլորովին կապ չունի հեթանոսական արարաողութայն հետ: Հեթանոսները պաշտում էին կրակը, միչդեռ ըստ ավետարանի կրակը խորհրդանշում է քառասնօրյա Քրսիտոսի այդ գիշերը տաճար բերելու գիշերվա մարգարեությունը, ըստ որի, բացվում են տաճարի բոլոր դռները, մեծ աղմուկ է լինում և բոլոր հրեաները ջահերով գալիս են տեսնելու թե ինչ էր»,- ասաց նա: Ասուլիսն ներկա Տեր Ադամ քահանա Մակարյանը նշեց, որ տոնի անունն արդեն հուշում է խորհուրդը՝ «Տիրոջն ընդառաջ գնալը», իսկ տրնդեզը նշանակում է «Տերն ընդ Ձեզ». ««Տյանընդառաջը» քառասնօրյա Հիսուս Քրիստոսի տաճար ընծայելու օրն է, որը Հայ առաքելական եկեղեցին տոնում է անխախտ՝ փետրվարի 13-14-ը»,- ասաց նա և հավելեց, որ երբ լրանում է Հիսուսի ծննդյան քառասուն օրը, նրան տանում են տաճար և նրանց ընդառաջ է գալիս Սիմոն անունով մի ծերունի: Քահանները նշեցին, որ եթե այս օրը հայտարարված է ընտանքիների օր, ապա փետրվարի 14-ի առավոտյան նորապսկաների օրհնության կարգն է: «Ամեն կերպ խրախուսվում է նորապսակներին եկեղեցի այցելել, որոպեսզի տիրոջ օրհնությամբ սկսեն իրենց կյանքը»,- ասաց Տեր Ադամ քահանա Մակարյանը: |
