Twitter սոցիալական ցանցի օգտատերերն օրական հրապարակում են 400 մլն թվիթ: Այս մասին, CNet News-ի փոխանցմամբ, հայտնել է Twitter-ի ղեկավար Դիք Կոստոլոն The Economist հրատարակության նախաձեռնությամբ կազմակերպված Ideas Economy: Information 2012 համաժողովի ժամանակ: Կոստոլոն ընդգծել է, որ սերվիսի օգտատերերի մեծ մասը բջջային տարբերակից օգտվողներն են: Ավելին, ըստ նրա, վերջին եռամսյակում բջջայիններում գովազդն ավելի շատ գումար է բերել, քան վեբ տարբերակում տեղադրված գովազդը, որից ստացված գումարի հստակ թիվը, սակայն, նա չի նշել: Twitter-ում գովազդը ներկայացվում է թվիթի տեսքով, որը հայտնվում է օգտատերերի լրատվական հոսքում, ինչպես նաև «առաջնորդող» հաշիվներում: Այս տարվա մարտից Twitter-ը գովազդային հնարավորություններ է ստեղծել փոքր բիզնեսի համար, որը կարող է հայտարարություններ տեղադրել ինքնուրույն: Twitter-ը գործարկվել է 2006թ-ին: Այս տարվա մարտին սերվիսը հայտնել էր օրական 340 մլն հաղորդագրության հրապարակման մասին: |