Ճապոնացի ճարտարապետ Հիրոշի Նակամուրան մշակել է իսկական տուն վուայերիստների համար:
«Օպտիկական ապակուց տուն» անվանումով նախագիծը Հիրոսիմա քաղաքում է: Այդ անսովոր քոթեջն ունի հսկակական ձմեռային այգի` տեղակայված ապակե պատի հետևում:
Տան պատերը բաղկացած են ապակե աղյուսներից, որոնք միմյանց միացված են մալուխային լարերով. այդպես ստեղծվում է փայլող վարագույրի էֆեկտ:
Ապակին ամբողջությամբ թափանցիկ է, ինչը դրա վրա հայացք գցելիս ստեղծում է իսկական խճանկարային տեսարան, գրում է Prian.ru-ն:
Ապակե պատի հետևում տեղակայված այգին հյուրասենյակի անբաժան մասն է, ինչի պատճառով փողոցի աղմուկը չի անհանգստացնում տան բնակիչներին, գրում է Architizer-ը: Սակայն տուն կարող է ներթափանցել օդ ու լույս, ինչը հետաքրքիր էֆեկտներ է ստեղծում: