Խոսեպ Գվարդիոլան այժմ բոլորին հայտնի է որպես մարզիչ: Երբ ասում ես Գվարդիոլա, մտքիդ գալիս է մի հանճարեղ մարզիչ, ում օրոք Բարսելոնան հասել է անհավանական բարձունքների:
Սակայն դա այժմ, իսկ մոտ 20 տարի առաջ նա նոր էր տեղափոխվել Բարսելոնայի առաջին թիմ և հետագայում դարձավ Dream Team - ի ավագներից մեկը: Շատերը նրան ընդունում են որպես Բարսայի բոլոր ժամանակների լավագույն ավագ:
Գվարդիոլան Կրույֆի Dream Team - ի առաջատարներից էր, հիմնական ստեղծագործ ուժն ու ոգին: Շատ ֆուտբոլասերներ և ֆուտբոլային մասնագետներ են նշել, որ դեռ այն ժամանակ երևում էր` Պեպը դառնալու է հանճարեղ մարզիչ: Այդպես էլ եղավ` 3,5 մրցաշրջան և նվաճած 12 տիտղոս հնարավոր 15 - ից:
Երեկ Պեպն իր 200 - րդ խաղն անցկացրեց Բարսայի ղեկին: Այս ժամանակահատվածում բոլորն էլ հասցրել են լավ ուսումնասիրել մարզիչ Գվարդիոլային, ուստի նրան` որպես այդպիսին, ներկայացնելու կարիք չկա: Այդ իսկ պատճառով առաջարկում ենք վայելել Պեպի հանճարեղ փոխանցումները և գեղեցիկ գոլերը (6 գոլ Բարսայի կազմում` պաշտոնական խաղերում)` դրանով իսկ ճանաչելով Գվարդիոլա խաղացողին....