Մենք իհարկե սիրում ենք տղաներին, որովհետև առանց նրանց մեր կյանքը շատ անհետաքրքիր ու ձանձրալի կլիներ, ոմանց համար էլ` անիմաստ: Բայց մենք իրատեսորեն ենք սիրում, այսինքն` սիրելով հանդերձ նկատում ենք նաև նրանց թերություններն ու վատ սովորությունները: Վերջինների մասին էլ կխոսենք այսօր: Եվ այսպես, տղամարդիկ... 1. Ուշ են վերադառնում տուն
Հին ժամանակներում, երբ բջջային հեռախոսները դեռ չէին հայտնվել մեր անդարդ կյանքում, կանանց դասական արտահայտությունն էր. «Արդեն երեք անգամ տաքացրել եմ ճաշը, իսկ դու չկաս»: Հիմա քիչ բան է փոխվել: Նրանք միևնույն է ուշ են տուն գալիս և դրա հետ մեկտեղ երբեք չեն զգուշացնում դրա մասին: Կամ կարևոր հանդիպման են, կամ ընկերներից մեկի հարևանի եղբոր ընկերոջ ծննդյան օրն է կամ էլ մետրոն ու երթուղային տաքսիներն են անհետացել քաղաքից: Մի խոսքով` պատճառ միշտ կա: Հավանաբար նրանք ենթագիտակցորեն վրեժ են լուծում ժամադրություններին մեր մշտական ուշացումների համար: 2. Քննարկում են կանանց Անգամ նրանց երկրորդ կեսի ներկայությամբ: Շատ աղջիկներ են փողոցում նկատում, թե ինչպես են տղամարդիկ սոված գայլերի նման նայում իրենց: Նրանք ոչ միայն վիզը ծռում են ամեն գեղեցիկ աղջկա հետևից, այլև դրանից հետո սկսում են քննարկել նրան: Եվ անկեղծորեն սպասում են, որ իրենց ուղեկցող աղջիկը միանա հույժ կարևոր մտորումների բարձրաձայնելուն և կիսի նրանց հեղինակավոր կարծիքը: Լավ է, որ դեռ չեն սկսում բարձրաձայն համեմատություններ անել: Սարսափելի է պատկերացնել, թե ինչեր են խոսում նրանք, երբ տղա-ընկերների շրջապատում են... 3. Ամենուր թափթփում են իրենց իրերը Դե լավ, թող պարզապես այս ու այն թափեն, ինչն ամեն դեպքում տհաճ է: Սակայն նրանք դեռ ամեն առավոտ սկսում են գազազած վազվզել սենյակից սենյակ ու բացականչել. «Ու՞ր են նասկիներս, ու՞ր է վերնաշապիկս»: Իսկ կանայք էլ զայրանում են ու պատասխանում. «Որտեղ երեկ հանել ես, այնտեղ էլ փնտրի»: Տղամարդն էլ նեղանում է ու ասում, որ կինը փնթփնթան է: Իսկ եթե հանկարծ փորձում ես նրանց սովորեցնել, որ հագուստը և այլ իրերը պետք է հավաքել, նրանք դա ընդունում են որպես անձնական վիրավորանք: 4. Խաղում են համակարգչային խաղեր Բոլոր տղամարդիկ էլ աշխատանքային լարված օրվանից հետո հանգստանալու կարիք ունեն: Ժամանակակից տեխնոլոգիաների զարգացման մեր դարում նրանք հիմնականում ընտրում են համակարգչային խաղերը, վատագույն դեպքում` ֆեյսբուքի կամ օդնոկլասսնիկի cityville-ն ու ферма-ն: Իսկ թե ինչու են նրանք ընտրում հենց համակարգչային խաղերը, միանշանակ պատասխան գուցե չգտնենք, սակայն կարող ենք ենթադրել, որ այդպես նրանք փորձում են ինքնահաստատվել, իրենց Շումախեր, Ռոնալդո կամ Մայք Թայսոն զգալ: 5. Սիրում են պառկել բազմոցին Հանգստանալու երկրորդ տարածված միջոցը: «Դե, սիրելի՜ս, այնքան հոգնած եմ»: Այստեղ, երևի թե, կարելի է հանդուրժել. չէ՞ որ նրանք այնքան շատ են աշխատում, իսկ կանայք ողջ օրը տանը նստած սերիալ են նայում, դե իսկ տներն իրենք իրենց են մաքրվում, ամաններն իրենք իրենց են լվացվում, ճաշերն էլ զարգացել են` իրենք իրենց եփվում են: 6. Չեն սիրում տնային գործեր անել Իսկ տանը միշտ զուտ տղամարդկային աշխատանքի կարիք կա: Օրինակ` ինչ-որ բան մեխել, տեղաշարժել, վերանորոգել: Հասնել նրան, որ այդ աշխատանքը միանգամից կատարվի, գրեթե անհնար է: Կանայք ստիպված են լինում համոզել, խնդրել, ստիպել, արտասվել, դիմել խորամանկության և անգամ խաբեության: Մի խոսքով` ավելի հեշտ է ինքնուրույն անել: 7. Սիրում են հավաքվել զուտ տղամարդկանցով «Այնտեղ դու կձանձրանաս», պաչիկ ու ցտեսություն մի ամբողջ կամ մի քանի օրով, եթե ընկերներով գնում են ձուկ բռնելու, որսի, քաղաքից դուրս և այլ հեռու-հեռավոր տեղեր: Տղամարդիկ հաճախ չեն գիտակցում, թե որքան են իրենց կանայք զգում նրանց կարիքը... 8. Չափազանց էմոցիանալ են այնտեղ, որտեղ պետք չի Օրինակ` բարձր բղավում են, երբ ֆուտբոլի ժամանակ իրենց սիրելի թիմը գոլ է խփում: Իսկ երբ կանայք ոգևորված ինչ-որ բան են պատմում, հորանջելով գլուխն են շարժում: Դուրս է գալիս, որ գնդակի հետևից վազող տղամարդիկ ավելի կարևոր են, քան նրանց կանանց խնդիրները: 9. Թռցնում են ուտելիքը …երբ կանայք պատրաստում են: Եվ կապ չունի, թե ինչ` մսային ռուլետ, թե տոնական տորթ: Ամեն ինչի մեջ պետք է միջամտեն, ամեն ինչ պետք է համտեսեն: Իսկ եթե հանկարծ ուտելիքներից մեկը դուր գա, ապա մի հատիկ էլ չեն թողնի: Մի կողմից զվարճալի է, մյուս կողմից էլ` սարսափելի զայրացնող: 10. Քնելիս խռմփացնում են Բարձրաձայն, անտանելի բարձրաձայն: Եվ ոչինչ չի օգնում: Ոչ հրելը, ոչ բրթելը, ոչինչ: Իսկ կանայք հանդուրժում են J Սրանով իհարկե տղամարդկանց վատ սովորությունները չեն սահմանափակվում: Հուսով եմ` տղամարդիկ շատ չսրտնեղեցին, չէ՞ որ ճշմարտությունից չեն նեղանում :P Ի դեպ` առաջարկում եմ արդարության համար մեկնաբանություններում գրել կանանց վատ սովորությունների մասին J Հետաքրքիր կլինի կարդալ տղամարդկանց կարծիքը |