Մաս 1-ին: Նշիր, թե որքանով է քեզ համապատասխանում յուրաքանչյուր արտահայտությունը և հաշվիր միավորները.
1. «Հաստատ գիտեմ, որ ցանկության դեպքում հնարավոր է հասնել ամեն ինչի»:
2. «Ընկերական շրջապատում պնդում եմ կարծիքս նույնիսկ այն դեպքում, երբ մյուսները համաձայն չեն»:
3. «Ծնողներիս հետ անկեղծ ու անկաշկանդ խոսում եմ ինձ հուզող թեմաների մասին»:
4. «Եթե այլևս չեմ ցանկանում ընկերություն անել մի տղայի հետ, առանց ձգձգելու վերջ եմ դնում մեր հարաբերություններին»:
5. «Ինձ դուր չեն գալիս թույլ կողմերս, բայց կարող եմ այդպես էլ ապրել: Գիտեմ, դա ոչ բոլորին է հաջողվում»:
6. «Եթե լավագույն ընկերուհիս վատ բաներ անի, դեմքին կասեմ` ինչ մտածում եմ»:
7. «Երբ խանութում որևէ մեկը փորձում է հերթից դուրս առաջ անցնել, բարձրաձայն բողոքում եմ»:
8. «Կարող եմ ասել «ոչ», եթե ընկերուհիներս առաջարկում են այն, ինչ ինձ դուր չի գալիս»:
9. «Հայելու մեջ հաճույքով եմ ինձ դիտում, եթե նույնիսկ ինձ այնքան էլ չեմ հավանում»:
Միշտ (4), Հաճախ (3), Երբեմն (2), Հազվադեպ (1), Երբեք (0)
Մաս 2-րդ: Գնահատիր` որքանով են այս արտահայտությունները համընկնում մտքերիդ և հաշվիր միավորները.
1. «Ինձ համար շատ կարևոր է` ինչ են մտածում իմ մասին համադասարանցիներս»:
2. «Բավական հեշտ եմ ընկնում այլ աղջիկների ազդեցության տակ»:
3.«Երևակայելիս հաճախ ինձ այլ մարդ եմ պատկերացնում, օրինակ` աստղ»:
4. «Ատում եմ ռեֆերատները, որոնք պետք է ներկայացնեմ ողջ դասարանի առաջ»:
5. «Ընկերոջս հետ վիճելիս առաջինն եմ զիջում: Ի վերջո, ի՞նչ տարբերություն, կարևորը հաշտվելն է»:
6. «Երբ զգում եմ, որ ինձ հետ անարդարացի են վարվում, սովորաբար լռում եմ»:
7. «Երբեմն ինձ թվում է, որ կատարյալ ձախողակ եմ»:
8. «Աշխատում եմ թուլություններս թաքցնել ուրիշներից»:
Միանգամայն ճիշտ է (2), Կիսով չափ է ճիշտ (1), Ճիշտ չէ (0)
1-ին մասից ստացված միավորներից հանիր 2-րդ մասի միավորները. դա էլ կլինի թեստիդ արդյունքը: Տես` ինչ է այն նշանակում:
0 և քիչ միավոր
Քեզ համար իսկական սարսափ է զեկույցով ողջ դասարանի առաջ հանդես գալը: Չես կարողանում «ոչ» ասել ընկերուհուդ, ում գաղափարը սրտովդ չէ, ավելի լավ է համաձայնել, քան վիճել: Եվ թող ինչ-որ մեկը խցկվի առանց հերթի, ոչինչ չես ասի, որպեսզի տեսարան չսարքի: Իսկ ո՞ւր է քո ինքնավստահությունը: Չէ՞ որ գիտես` ով ես, ինչի ես ընդունակ և ինչ ես ուզում: Եվ նույնիսկ մի քանի անգամ ապացուցել ես դա ընտանիքում խնդիրների քննարկման ժամանակ. չէ՞ որ քեզ այնտեղ պաշտպանված ես զգում: Բայց ինքնավստահությունը կարելի է «մարզել»: Ընդգրկվիր մարզական որևէ խմբում, որպեսզի նոր մարդկանց հետ շփվես: Սովորիր «ոչ» ասել, երբ ցանկանում ես փողոցում թափառելու փոխարեն ֆիլմ դիտել: Արտահայտիր կարծիքդ, եթե նույնիսկ այն չի համընկնում մյուսների ցանկություններին: Հավատա, ընկերուհիներդ դրանից քեզ ավելի քիչ չեն սիրի:
0-ից 20 միավոր
Հավատում ես քեզ: Նաև իրական ինքնագնահատակ ունես, և դա հիանալի է, որովհետև գիտակցում ես հնարավորություններդ: Հաղթահարում ես ցանկացած խնդիր, բայց դրա հետ մեկտեղ ռիսկի չես դիմում: Բնականաբար, բարկանում ես պատահական անհաջողություններից, բայց ափերիցդ դուրս չես գալիս: Քեզ պարզապես ժամանակ է պետք, որպեսզի մարսես նորությունները և նոր փորձ անես: Նաև բավական ինքնաքննադատ ես` լավ խորհուրդը լսելու համար: Ինքնավստահ ես, բայց ոչ մեծամիտ: Դրա համար էլ մարդկանց համար հեշտ է քեզ հետ շփվելը: Իհարկե, դա քեզ ուրախացնում է, բայց իրականում բացարձակապես կախում չունես նրանից, թե ինչ են մտածում ուրիշները քո մասին:
20-ից 36 միավոր
Լիովին վստահ ես ուժերիդ վրա և լի եռանդով, նախաձեռնելու ու գործելու տենչով: Ծրագրերդ իրականացնում ես հազվադեպ նպատակաուղղվածությամբ և լավատեսությամբ, նույնիսկ այն ժամանակ, երբ ինչ-որ բան այնպես չէ: Նահանջե՞լ: Քո բառապաշարում պարզապես նման բառ գոյություն չունի: Եթե գլուխդ մի բան ես մտցրել, ոչ ոք չի կարող քեզ հետ կանգնեցնել: Երբեմն, ճիշտ է, քո մեծ ինքնավստահությունը կարող է ճնշելու չափ ազդել ուրիշների վրա: Նրանք կհիանան քեզանով, մյուսները` կնախանձեն: Քո պահելաձևից մարդիկ զգում են լիարժեք անթերիությունդ: Դա երբեմն քեզ բարկացնում է, բայց ոչ մի կերպ չի անդրադառնում ինքնագնահատականիդ վրա: Ի վերջո, լավ գիտես ուժեղ կողմերդ և կարող ես խոստովանել սեփական թերություններդ: Իսկ եթե չես կարողանում, ապա փորձում ես աշխատել քեզ վրա: Որովհետև գիտես` ինչ գործ էլ սկսում ես, ստացվում է:
Slaq.am - Լրատվական աղբյուր