Մինչ դուք արթնացել ու փորձում եք հիշել` ի՞նչ երազ եք տեսել եւ ո՞վ է եղել այն ասպետը, որը, մի բաժակ ջուր է առաջարկել` աղի բլիթի առաջացրած ծարավը հագեցնելու համար, կամ հարցուփորձ եք անում մտերիմներին իրենց տեսած երազի մասին, Aparanblog.do..am-ը փորձել է ճշտել, թե ինչ երազ են տեսել հայ հայտնիները: Սոֆի Մխեյանը Սոֆի Մխեյանը չի հիշում
Սոֆի Մխեյանը մեզ հետ զրույցում նշել է, որ այս տարի աղաբլիթ իրեն տվել են սանիկները, երգչուհին էլ քնելուց մի քանի ժամ առաջ կերել է այն, դիմադրել ծարավին, բայց հիմա չի հիշում, թե ինչ երազ է տեսել. "Իհարկե, երբ հիշեմ, անպայման կկիսվեմ, բայց հիմա չեմ հիշում”:
Երգչուհին նշել է, որ ավանդույթը հետաքրքիր է համարում, բայց դրան մեծ կարեւորություն չի տալիս. "Ուղղակի հետաքրքիր պրոցես է, որն անում ենք` կարծելով` ինչ-որ հետաքրքիր բան կլինի:): Ուզում եմ բոլորն էլ հավատան, որ իրական սերն անպայման գալու եւ գտնելու է իրենց, հետեւեն այս գեղեցիկ ավանդույթին, բայց սնահավատ չլինեն”:
Էմմին Էմմիին սպիտակ ձիով ասպետը ջուր չբերեց
"Իմ տատիկը միշտ ինձ համար աղի բլիթ էր պատրաստում, քանի որ ես ամենամեծ թոռնիկն էի: Շատ անգամներ եմ կերել, բայց երբեք ոչ ոքի չեմ տեսել”,-
Aparanblog.do..am -ին պատմել է Էմմին, որը այս տարի եւս աղի բլիթ է կերել, եւ ի զարմանս իրեն` երազ է տեսել. "Չնայած ես երազներ չեմ տեսնում, տեսնելուց էլ առավոտյան չեմ հիշում, այս անգամ տեսա, բայց ասպետ չէր, որը սպիտակ ձիով ջուր բերեց... Երազում ճամպրուկ եմ տեսել:)”:
Հասմիկ Կարապետյանը Հասմիկ Կարապետյանը կրկին ոչինչ չտեսավ
Aparanblog.do..am -ին Հասմիկ Կարպետյանը պատմել է, որ ինչպես նախորդ տարի, այս տարի եւս աղի բլիթ է կերել. "Բայց ոչ երազ եմ տեսել, ոչ ծարավ զգացել եւ ոչ էլ ինչ-որ երիտասարդ ինձ ջուր է տվել: Անցյալ տարի էլ էր նույնը: Փաստորեն կարելի է ենթադրել, որ դեռ ժամանակը չի:): Իսկ թե երբ է, արդեն Աստված գիտի”:
Հասմիկը խոստովանել է, որ իրականում այնքան էլ չի հավատում աղաբլիթի խորհրդին. "Երեւի այդ պատճառով էլ երազումս չեմ տեսնում ճակատագրով նախատեսված տղամարդուն: Բայց համոզված եմ, որ նա արդեն հայտնվելու է, շուտով, զգում եմ... ”:
Աննա Խաչատրյանը Ինչո՞ւ Աննա Խաչատրյանն աղի բլիթ չի ուտում
Աննա Խաչատրյանն էլ
Aparanblog.do..am -ին պատմել է, որ տոնը շատ գեղեցիկ է համարում, կարեւորում հավատքի ուժը, բայց աղի բլիթ չի ուտում. "Մի անգամ եմ աղի բլիթ կերել, երազումս քավորս է ինձ ջուր տվել, ես, գիտակցելով, որ այդ դեպքում պետք չէ ջուր վերցնել, չեմ ընդունել այն, իսկ դրանից հետո աղաբլիթ երբեք չեմ կերել”: Այս երգչուհին եւս շնորհավորել է բոլոր երիտասարդներին ու սիրահար զույգերին: |