Մարդու բնավորությունը կարելի է բնութագրել նաև նրա սիրած գույնով: Սպիտակը բոլոր գույների սինթեզն է: Արտացոլում է լույսի փայլը և սառույցի սառնությունը: Գերադասում են տարբեր բնավորությամբ մարդիկ: Սև- այն կրողները հաճախ են տխրում, երջանիկ չեն, կյանքը տեսնում են վատ կողմերով, ինքնավստահ չեն, հակված են դեպրեսիաների: Մոխրագույն- շրջահայաց և կասկածամիտ մարդկանց գույնն է, որոնք երկար կշռադատում են որոշումներ կայացնելուց առաջ: Այս գույնը չսիրողները ակտիվ են և թեթևամիտ: Կարմիր- արտահայտում է խիզախություն, կամքի ուժ, իշխանություն, բռնկուն բայց և շփվող բնավորություն: Ում այս գույնը նյարդայնացնում է, ունեն թերարժեքության բարդույթ, սիրում են մենություն: Նարնջագույն- զարգացած բնազդ ունեցողների և երազողների սիրած գույնն է: Արտահայտում է նաև երկերեսանիություն և համառություն: Դարչնագույն- այն նախընտրողները ամուր են կանգնած իրենց ոտքերի վրա, գնահատում են ընտանեկան ավանդույթները: Չսիրողները էգոիստ են, ինքնամփոփ: Դեղին- արտացոլում է հանգստություն, բարեկրթություն, հետաքրքրասիրություն, համարձակություն: Բաց կանաչ- ցինիկների գույնն է: Այն նախընտրողները իշխանատենչ են, սիրում են թելադրել իրենց կամքը: Վարդագույն- կյանքի գույնն է: Այն սիրողները հակված են չնչին առիթներից անհանգստանալ, իսկ պրագմատիկներին այն նյարդայնացնում է: Մանուշակագույն- խոսում է չափազանց էմոցիոնալության, զգայունության, հոգևոր բարձր արժեքների, նրբանկատության մասին: Սա ներդաշնակորեն զարգացած մարդկանց գույնն է: Այն չեն սիրում ներկայով ապրող մարդիկ: Երկնագույն- կապվում է հոգևոր արժեքների և մաքրության հետ: Այն նախընտրողները հակված են մելանխոլիայի և շուտ են հոգնում: Կանաչ- բնության գույնն է: Այն կրողները վախենում են ուրիշների իշխանությունից և փնտրում են ինքնահաստատման միջոցներ:
| 
