Իհարկե շատ լավ կլիներ, որ Սիլվա Հակոբյանի և մյուս բոլոր արժանավոր ու տաղանդավոր երգիչ-երգչուհիների անունը թնդար արտասահմանում, ինչպես իրենցը` Հայաստանում: Հենց հնարավորությունների խնդիրն է նաև առաջ քաշում հարցեր, որոնց պատճառով երբեմն արտիստները հրաժարվում են որոշ սկզբունքներից. «Եթե նախկինում ես սկզբունքորեն հրաժարվում էի կոմերցիոն միջոցառումներին մասնակցելուց, ապա հիմա ես հասկանում եմ, որ իմ հիմնական գումարը ես հենց այդ ճանապարհով եմ վաստակում: Ի ուրախություն մեզ, այսօր այս ամենը բարձր մակարդակի վրա է դրված. հրավիրողները ոչ միայն լսում են քո երգերը, այլև գնահատում են քո ներկայությունն իրենց միջոցառմանը»:
Սիլվան, չնայած երիտասարդ տարիքին, կարողանում է իր աշխատածով ոչ միայն նոր հնարավորություններ բացել հենց իր առջև, այլև հոգում է ընտանիքի ծախսերը. «Իմ աշխատած գումարը ես ներդնում եմ իմ աշխատանքի մեջ` ներկայացնելով նոր տեսահոլովակներ ու նոր երգեր, բացի այդ հոգում եմ իմ ընտանիքի կարիքները: Իմ կոլեգաներից շատ շատերն են աշխատում ակումբներում և այդպես են գումար վաստակում: Սա ընդունված ֆորմատ է ամբողջ աշխարհում, այս ճանապարհով գումար են վաստակում նաև աշխարհահռչակ շատ երգիչ-երգչուհիներ: Ոչ մի դեպքում չի կարելի մեղադրել նրանց կամ մեզ: Ամոթը չաշխատելն է»,- մեկնաբանեց երգչուհին:
Ինչ խոսք, անգործության մատնվելն ավելի ամոթալի է:
Ինչպես յուրաքանչյուր սիրված ու ճանաչված մարդ, Սիլվան ևս իր անձի շուրջ հաճախ լսում է բամբասանքներ ու ասեկոսեներ. «Վերջրս ինձ բոլորը հարցնում էին` արդյոք ճի՞շտ է, որ ես նշանվել եմ:Հիմա ես ի լուր ամբողջ աշխարհի ուզում եմ հայտարարել, որ նման բան չկա, դրանք զուտ բամբասանքներ են»,- ասաց Սիլվան` ավելացնելով, որ նա նորմալ է վերաբերվում նման խոսակցություններին, հակառակ դեպքում շատ անհետաքրքիր կլիներ:
Սիլվա Հակոբյանը երիտասարդ է, տաղանդավոր, բայց տարիները նրա մեջ չեն փոխել իր մարդ տեսակը: Սիլվան ապրելու և կյանքում առաջնորդվելու իր սկզբունքներն ունի. «Նույնիսկ ամենամեծ բարձրունքներին հասնելուց հետո էլ երբեք չկորցրնես քո ՄԱՐԴ տեսակը: Սա իմ կյանքի կարգախոսն է ու սկզբունքը»,- մեկնաբանեց Սիլվա Հակոբյանը:
Ի դեպ ArmStar.am-ին հետաքրքրեց նաև, թե եթե մի օր Սիլվան կանգնի ընտրության առաջ` ընտանիք, թե կարիերա, ո՞րը կընտրի: Սիլվան չպատասխանեց ավանդական դարձած` «եթե ինձ նման ընտրության առաջ կանգնեցնեն, ես այդ մարդու հետ չեմ շփվի» պատասխանով, այլ, ինչպես միշտ, փայլեց իր համեստությամբ ու ողջախոհությամբ. «Ես միանշանակ կընտրեմ ընտանիքս: Ինձ համար դա ամենից կարևոր ու թանկ բանն է աշխարհում»:
ArmStar.am-ը փորձեց նաև «մտնել» Սիլվայի սրտի խորքերը` հարցնելով, արդյոք հայտնի է այն երջանիկ մարդը, ով կլինի Սիլվա Հակոբյանի կողքին. «Ո’չ, իմ սիրտը զբաղված չէ, չի էլ եղել: Ես սպասում են իմ միակին, ում էլ կնվիրեմ ամբողջ կյանքս, սերս ու հոգիս: Ինձ համար ժամանակն անսխալական է, իսկ այս կյանքում ամեն ինչ լինում է իր ժամանակին»,- պատասխանեց երգչուհի Սիլվա Հակոբյանը` անկեղծ, պարզ, շփվող, ինչպես որ բեմում, այնպես էլ կյանքում հեզ մի անձնավորություն…
Զրուցեց Աշխեն Մնացականյանը /ArmStar.am/