Փետրվարի 27-ին Հայաստանի ազգային հավաքականը անցկացրեց երկրորդ մարզումը Սերբիայի հավաքականի հետ հանդիպման նախօրեին: Մարզչական շտաբը հնարավորություն տվեց հանգստանալու Ռոման Բերեզովսկուն, ով ժամանել էր Լիմասոլ օրվա երկրորդ կեսին և չմասնակցեց մարզմանը, ինչպես նաև Արաս Օզբիլիսին: Հոլանդական «Այաքսի» կիսապաշտպան Արազ Օզբիլիսը, մեկնել էր Կիպրոս Հոլանդիայի առաջնությունում հանդիպում անցկացնելուց հետո և մարզվում էր անհատական ծրագրով: 

Երեկոյան տեղի ունեցավ Կիպրոսի միջազգային մրցաշարի կազմկոմիտեի ժողովը` Հայաստանի, Սերբիայի, Կանադայի և Կիպրոսի ներկայացուցիչների մասնակցությամբ: Բազմաթիվ կազմակերպչական հարցերի թվում որոշվեց սահմանել փոփոխությունների քանակը մինչև վեցը: 

Հիշեցնենք, որ Սերբիա - Հայաստան ընկերական հանդիպումը կկայանա փետրվարի 28-ին` Երևանի ժամանակով 18:00-ին: Վերջին մարզումը ազգային ընտրանին անցկացրեց այսօր` ժամը 12:30-ին:

ՀՖՖ պաշտոնական կայք