Տեղեկություններն այն մասին, թե Samsung ընկերությունն Apple-ին 1,05 մլրդ դոլարի չափով տուգանքը վճարել է 5 ցենտանոցներով, կատակ է եղել, հայտնում է News Finance-ը: Սակայն մինչ այդ հանգամանքը պարզվելը, կատակը հասցրել է «պայթեցնել» ինտերնետը: Լուրեր էին տարածվել, թե Կուպերտինոյում Apple-ի շտաբ-բնակարանին է մոտեցել 30 բեռնատար՝ բեռնված 5 ցենտանոցներով: Լուրը հերքվել էր՝ այն նկատառումով, որ Samsung-ը պատրաստվում է բողոքարկել դատարանի վճիռը: Եթե դա ճիշտ լիներ, ապա այդքան (21 մլրդ) մետաղադրամ թողարկելու համար հարկավոր կլիներ 105 մլն կգ պղինձ և նիկել, ինչն ավելին է, քան ներկայում շրջանառվում է ԱՄՆ-ում: Սան Խոսեի դաշնային դատարանն օգոստոսի 25-ին հարավկորեական Samsung ընկերությանը պարտավորեցրել էր 1,05 մլրդ ԱՄՆ դոլարի տուգանք վճարել Apple-ին՝ արտոնագրային խախտումների համար: Apple-ն ակնկալում էր 2,5 մլրդ դոլար: Samsung-ն իր հերթին 519 մլն էր պահանջում ամերիկյան ընկերությունից: |