Вы вошли как: Гость
IP Адрес: 52.14.240.178
Группа: Гости
Личных сообщений:
02.12.2013
Այցեյություն 15.11
Главная » 2012 » Հոկտեմբեր » 14 » Ռուբեն Հախվերդյանը Տարոն Մարգարյանին ասել է, որ Երևանի տոնին մասնակցելու «զահլա» չունի
18:45
Ռուբեն Հախվերդյանը Տարոն Մարգարյանին ասել է, որ Երևանի տոնին մասնակցելու «զահլա» չունի
Երգիչ, երգահան Ռուբեն Հախվերդյանն այսօր չի մասնակցի Էրեբունի-Երևան 2794-ամյակին նվիրված տոնական միջոցառումներից, բայց ոչ այն պատճառով, որ նրան մոռացել են և չեն հրավիրել, այլ որովհետև ինքն է մերժել:
«Պարտադիր է այսօր երգե՞մ, որ տոն լինի: Տոնը ես եմ ինձ համար նշանակում և ամեն օրն էլ ինձ համար տոն է Երևանում ապրելը, այդ իսկ պատճառով երգում եմ այն ժամանակ, երբ ինքս եմ ուզում»,- Tert.am-ի հետ զրույցում ասաց նա:
Ռուբեն Հախվերդյանը հավատացնում է, որ կոնկրետ իրեն՝ իր ընկեր Տարոն Մարգարյանը հրավիրել է, բայց ինքը մերժել է: «Տարոնն իմ ընկերն ա ու գիտի, որ ես տոն օրերին չեմ երգում: Մենք իրա հետ խոսել ենք, ասել եմ՝ Տարոն ջան, ես զահլա չունեմ»,- չմասնակցելու պատճառը ներկայացրեց երգիչը:
Քանի որ այս օրը Ռուբեն Հախվերդյանի համար հերթական տոնական օրերից մեկն էր, տոնի առիթով նրա մաղթանքն այդքան էլ տոնական չէր:
«Ես կուզենամ, որ արտագաղթը պակասի, և շնորհավորում եմ էն մնացած երևանցիներին, որոնք շարունակում են սիրել մեր քաղաքը»,- ասաց նա: