Ռոքը իր ստեղծման օրվանից համարվել է սկանդալային երաժշտավոճ. Այն իր կողմն է ձգում հիմնականում երիտասարդներին, որոնք լի են կյանքը եվ աշխարհի կարգը փոխելու հաստատ մտայնությամբ: Սակայն անհնար է չհամաձայնվել, որ այն խորը փիլիսոփայություն է կրում իր մեջ:
Հայկական Ռոքը ունի շատ գեղեցիկ պատմություն, այն այսօր էլ բավականին արդի է. Այսօր Հայաստանի տարածքում եվ սփյուռքում ռոք ոճում ստեղծագործում են շատերը այդ թվում՝ « Էմփիրեյ», «Բամբիռ», «Ռեյկառնացիա», «Дети пикассо», «Սիստեմ օֆ ը դաուն» նրանց շարքերը շարունակում եմ ընդլայնվել, քանի որ այսօր ռոքը բացահայտել է հասարակության հետ խոսելու ամենամատչելի տարբերակը: Այօր Հայկական ռոք ողջ աշխարհում ներկայացնում է «System of Down» խումբը. Ճանաչենք նրանց՝ System of A Down (հաճախ կոչվում են "S.O.A.D” կամ "System”) ալտերնատիվ մետալ-ռոք խումբը ստեղծվել է 1995 թ. Լոս-Անջելեսում (Կալիֆորնիա, ԱՄՆ) : Խումբը ներկայացնում են Սերժ Թանգյանը (վոկալ, ստեղնաշարային գործիքներ), Ջոն Դոլմայանը (հարվածային), Դարոն Մալաքյանը (կիթառ, վոկալ) և Շավո Օդաջյանը (բասս կիթառ): System of a Down-ը հայտնի է իր յուրահատուկ քաղաքական և հասարակական ոճային ուղղվածությամբ, նրանց երգերում միշտ շոշափվում են այնպիսի հարցեր ինչպիսիք են` իշխանությունների անտարբերությունն ու կաշառվածությունը, մարդկային ագահությունն ու չարությունը: Հատկանշական է նաև System of a Down-ի մոտեցումը Հայոց ցեղասպանությանը, օրինակ` "Spiders” ("Սարդեր”) երգը նվիրված է հենց վերոհիշյալ թեմային: System-ի անձնակազմը նույնիսկ բարեգործական և քարոզչական միջոցառումներ է կազմակերպել հօգուտ ցեղասպանության ճանաչմանը ԱՄՆ-ում և ընդհանրապես շատ ակտիվ մասնակից է "Հայկական հարցի” որոշման գործնթացում, ինչի մասին խոսում են այդ կապակցությամբ կազմակերպված նրանց բազմաթիվ հարցազրույցներն ու համերգարշավները : S.O.A.D-ը ծանր ռոքի ասպարեզում բավականին մեծ դիրք է գրավել ամբողջ աշխարհում: Նրանց երկրպագուների հոծ բազմությունը սփռված է ամբողջ աշխարհով մեկ, ինչը չի կարող հպարտություն չպարգևել նույնիսկ ռոք չսիրող ցանկացած հայի: 2006թ. System of A Down-ի անդամները հանդես են գալիս ռեժիսոր Քարլա Կարապետյանի` Հայոց Մեծ Եղեռնի և դարաշրջանի այլ ցեղասպանությունների մասին պատմող Screamers ("Ճչացողներ”) փաստավավերագրական ֆիլմում, որը սկսվում է Թանգյանի պապիկի` ջարդերից մազապուրծ եղած 96-ամյա Ստեփան Հայթայանի պատմությունից…
P.S. այս տարվա հունիսի 21-ին System of A Down-ը համերգներով կլինի Մոսկվայում, շատ հավանական է, որ սույն թվականին նրանք Հայաստան ևս այցելեն, սակայն եթե այս տարի չգան 2015 թվականին անպայման այցելելու են Հայաստան` Ցեղասպանությանը նվիրված համերգով….
