Football Finance պորտալը հրապարակել է աշխարհի ամենաբարձր վարձատրվող գլխավոր մարզիչների ցանկը: Մադրիդի «Ռեալի» պորտուգալացի գլխավոր մարզիչ Ժոզե Մոուրինյոն գլխավորում է այդ ցուցակը: Նրա տարեկան աշխատավարձը կազմում է 10 մլն եվրո: 2-րդ հորիզոնականը կիսում են' Գվարդիոլան և Հիդինկը: «Բարսելոնայի» և «Անժիի» մարզիչները տարեկան վաստակում են 7,5 մլն: Երրորդը' Ռոբերտո Մանչինին է. 6 մլն եվրոյով: «Բավարիայի» գլխավոր մարզիչ Յուպ Հայնկեսը մյունխենյան ակումբի կողմից մեկ տարվա ընթացքում ստանում է 5 մլն եվրո: Քենի Դալգլիշը («Լիվերպուլ») և Ալեքս Ֆերգյուսոնը («Մանչեսթեր Յունայթեդ») վաստակում են' 4,8 մլն եվրո, իսկ Հարի Ռեդնապը («Տոտենհեմ») և Արսեն Վենգերը («Արսենալ»)' 4,7 մլն: |