Միշոյի "ֆեյսբուքյան” պաշտոնական էջում կա լուսանկարների մի ալբոմ, որտեղ տեղ են գտել հայ մի տատիկի, երիտասարդ կորեացու եւ այլ մի շարք անձանց լուսանկարներ: Նրանց միավորում է հայազգի ռեփերը, իսկ ավելի կոնկրետ` միշոիզմը: Նրանք միշոիստներ են, իսկ ապացույցը ձեռքերի ժեստն է` լատիներեն M տառի տեսքով, որն արդեն տարիներ է, ինչ ասոցացվում է Միշոյի անվան ու ծավալած գործունեության հետ:"Նման նկարներ շատ-շատ կան իմ կողմից վստահված անձի մոտ, ով էլ հորինել ա "միշոիստ” տերմինն ու էսօր ինձ հետ զուգահեռ զբաղվում ա "ֆեյսբուքյան” էջովս, ուղղակի դրանք հրապարակելու ժամանակ չի գտնում: Էդ մարդը մոլորակի բոլոր կետերի հետ կապ ունի, ու չեմ զարմանա, եթե մի օր ալբոմում այլմոլորակայինի նկար էլ հայտնվի:)”,-պատմել է Միշոն:
Միշոիստների լուսանկարներով "Միշոիզմ” ալբոմից բացի, "Ֆեյսբուք”-ում միշոիզմը գրանցված է նաեւ որպես դավանանք, ինչի մասին Միշոն, պարզվում է, BRAVO.am-ից տեղեկացավ:)."Լո՞ւրջ եք ասում: Շատ խնդալու էր: Չգիտեի դրա մասին: Դրան կարելի ա նորմալ նայել: Ես դա ընկալում եմ որպես համակրանք, ոչ թե իրական դավանանք: Կարելի ա համակրել, բայց ֆանատիզմով չհիվանդանալ”: Չի ընդունում
Ռեփերն, ի դեպ, չի ընդունում ֆանատիզմը. "Ես ոչ մի բանիզմով երբեք չեմ տարվել: Պետք չի, որ մարդիկ ֆանատիզմը խառնեն համակրանքի հետ. նորմալ ա, երբ համակրում ես, հարգում ես, ընդունում ես, գնահատում ես, բայց նորմալ չի, երբ ֆանատիզմով ես տարվում, որի դեպքում կորում ա քո անձը: Ես դա չեմ ընդունում: Իմ հանդեպ էլ ֆանատիզմը չեմ ընդունում, հասկանում եմ, բայց չեմ ընդունում”:
Երբ մարդուն չես ճանաչում
Մի առիթով Միշոն ասել է, որ չի կարելի ինչ-որ բան դնել կշեռքի վրա ու ասել` նրա համար ինչ-որ բան կզոհաբերեմ: Ու այսօր ռեփերին վախեցնում է այն, որ կան մարդիկ, որոնք պատրաստ են իր համար ինչ-որ բան զոհաբերել. "Տենց դեպքեր էլ ա եղել, երբ ֆանատները սպառնացել են իրենց կյանքին վերջ տալ: Իսկ երբ դու մարդուն չես ճանաչում, չգիտես` նա ինչի ա ընդունակ: Չի կարելի անտարբեր լինել էն մարդկանց նկատմամբ, որոնք թույլ են: Իսկ նման քայլի միայն թույլ մարդիկ են գնում”: Միշոն
"Ատում ա”BRAVO.am-ը Միշոյին նաեւ առաջարկել է բարձրաձայնել այն խնդիրը, որը վերջին շրջանում իրեն ամենաշատն է հուզում. "Շատ են ու անձնական չեն. համազգային, համաերիտասարդահասարակական պրոբլեմներ են: Բայց էս պահին կասեմ, որ ջահելությունը ստիմուլ չունի: Ես ուզում եմ էդ ստիմուլը ստեղծեմ, որովհետեւ տարբեր ոլորտներում ունենք շատ տաղանդավոր երիտասարդներ, ովքեր կարող են ամեն ինչ փոխել, վերացնել համատարած կեղծիքը: Օրինակ` ես ատում եմ մեր հայ ժամանակակից երգարվեստը, որովհետեւ կեղծ ա իմ համար, 98 տոկոսը կեղծ ա, հոգի չկա: Ու նույն վիճակն ա գրեթե բոլոր ոլորտներում: Արդեն ամեն ինչ փոխելու ժամանակն ա”: Միշոն
Աղբյուրը՝ http://bravo.am |
