Այս լուսանկարը իսպանացի հայտնի մատադոր Ալվարո Մուներոյի կարիերայի ավարտի վկայությունն է: Վերջինս Կորիդայում` ցլի դեմ պայքարի ընթացքում հանկարծ ծնկի է գալիս և զղջում իր մասնագիտության համար: Բանն այն է, որ ցլի դեմ մենամարտում Ալվարոն հանկարծ գիտակցում է, որ «Տորոս» անունը կրող ցուլը չի ցանկանում մենամարտել իր դեմ: Ցլի և իր վերջին մենամարտի մասին Մուներոն պատմել է. «Հանկարծ ես նայեցի իմ առջև կանգնած ցլի աչքերի մեջ: Նա նույնպես նայում էր ինձ: Ցուլն ինձ վրա հարձակվելու որևէ փորձ չէր անում: Նա պարզապես կանգնել էր մի տեղում և նայում էր: Նրա հայացքում ես թախիծ էի տեսնում, նման հայացք ունեն բոլոր օգնության մասին աղերսող կենդանիները: Դա, կարծես թե, արդարության մասին ճիչ լիներ, և ենթագիտակցաբար ես հասկացա, որ Տորոսն ինձ է դիմում այնպես, ինչպես մենք աղոթում ենք Աստծուն: Նա, կարծես թե, ասում էր ինձ, որ չի ցանկանում մենամարտել և խնդրում էր օգնել` հասկացնելով, որ ոչ մի վատ բան չի արել ինձ: Ցլի աչքերում արտացոլվում էր այն հանգամանքը, որ իր ճակատագիրն իմ ձեռքերում է, և միայն ես էի որոշում` արդյոք, նա ողջ կմնա, թե` ոչ: Այնուամենայնիվ, նա չէր ցանկանում կռվել: Այս ամենը գիտակցելով` ես ինձ ամենավերջին և ստոր արարածը զգացի այս մեղսավոր աշխարհում և որոշեցի դադարեցնել մենամարտը: Հիմա ես բուսակեր եմ և կորիդաների անցկացման հակառակորդ»:
|