Եթե արտասահմանյան շատ արտադրողներ պարգևներ և մեդալներ են ստանում լավ որակի արտադրանքի, գեղեցիկ փաթեթավորման, բազմազան տեսականու, հիգիենայի և այլնի համար, ապա մեր արտադրողները այս հարցում ավելի օրիգինալ են.
Մեդալ «1 տարի 3 ամիս առանց թունավորվելու»-Հայաստանի«ԿՃԵՊ» պահածոների գործարան: «Կաթի փոշու բարձր որակի մասին հավաստագիր»-Հայաստանի «Բնական կաթից կաթնամթերքի» գործարան: Մեդալ «Փաթեթավորման գոյության համար»-Հայաստանի «Միս» մսամթերքի կոմբինատ: Կասկածելի մրցանակ «գարեջրի ամենաերկար պահպանման ժամկետի համար»: Մրցանակ «Օրիգինալ մտահաղացում»` շոկոլադով նրբերշիկ արտադրանքի համար: Մեդալ «Հզոր մարկետինգ»` հեռուստաեթերում մեկ տարի գովազդ չտեղադրելու համար: Պատվոգիր «Տոնական ռեկորդ»` աղցանի պահպանման ամենաերկար ժամկետի համար: Մեդալ «Հազարամյակի մարտահրավեր»` հնարավորինս շատ արտադրանքների ներմուծման ոլորտում մոնոպոլ դիրք ստանալու համար: Պատվոգիր «Լավագույն քիմիական բաղադրություն»` մանկական կերեր արտադրող «Առողջ բալիկ» ընկերությանը: Այս ցուցակի դեռ կարելի է շարունակել… ցավոք սրտի… V. H. Նշված գործարանները և ֆիրմաները հորինված են, ցանկացած համընկնում` պատահական է: |