Չեխիա մեկնած բոլոր 21 խաղացողները մարզում անցկացրեցին Էդեն մարզադաշտում, որտեղ այսօր` Երևանի ժամանակով 23:45 - ին, կմեկնարկի Վիկտորիա Պլզեն - Բարսելոնա հանդիպումը:

Դա վերջին մարզումն էր խաղից առաջ: Խոսեպ Գվարդիոլան իր տրամադրության տակ ունի 21 խաղացող, ովքեր գտնվում են լավ վիճակում: Պեպը նաև ծանոթացավ այն տեղերին, որոնք զբաղեցնելու են պատվիրակության անդամներն Էդեն մարզադաշտում:

3 - ը դուրս կմնան

Գվարդիոլան նախնական հայտացուցակում ընդգրկել է առաջին թիմի 19 խաղացողների, ինչպես նաև Օյերին ու Կուենկային Բարսելոնա Բ - ից: Բայց այդ խաղացողներից 3 - ը դուրս կմնան վերջնական հայտացուցակից: Ալեքսիս Սանչեզը դեռ չի ստացել խաղալու թույլատվություն բժիշկներից:

Ավելացնենք, որ Խոսեպ Գվարդիոլան մարզադաշտում հանդիպեց 2000 - ից 2003 թվականներին Բրեշիայի պահեստային դարպասապահ և իր խաղընկեր Պավել Սրնիչեկին: