70-ամյա Լոիս Գուդմենը, ով արդեն 10 տարի աշխատում է որպես US Open-ի մրցավար, ձերբակալվել է ամուսնուն սպանելու մեղադրանքով: Իրավապահ մարմինների աշխատակիցները կնոջը ձերբակալել են օգոստոսի 21-ին Նյու Յոքում, ուր նա մեկնել էր ԱՄՆ-ի բաց առաջնության որակավորման փուլին նախապատրաստվելու համար: Խաղերը մեկնարկելու էին հենց այդ օրը: Դատախազության ներկայացուցիչն ասել է, որ Գուդմենը կալանքի տակ կմնա մինչև հետաքննության ավարտը: Եթե ապացուցվի, որ նա է սպանել ամուսնուն, ապա Գուդմենը ցմահ կկալանավորվի: Մրցավարին մեղադրում են, որ նա ապրիլի 17-ին Լոս Անջելեսի իրենց բնակարանում սուրճի բաժակով սպանել է 80-ամյա Ալան Գուդմենին: Լոիսը զանգահարել է ոստիկանություն և հայտնել որ, ամուսուն գտել է մահացած վիճակում և ենթադրում է, որ նա վայր է ընկել աստիճաններից' սրտի նոպայից հետո: Սակայն կնոջ խոսքերը կասկածելի են թվացել ոստիկանությանը: Գուդմենների տունը խուզարկել են և հայնաբերել կոտրված սուրճի բաժակ: Ըստ փորձագետի զոհի գլխին եղել են վնասվածքներ, որոնք առաջացել են սուրճի բաժակով հասցված հարվածի հետևանքով: Օգոստոսին գործը ուղարկվել էր դատարան, որից հետո հրաման էր տրվել ձերբակալել Գուդմենին, ով այդ ժամանակ արդեն գտնվում էր Նյու Յորքում: Թիմ Կարիի խոսքերով, Ամերիկայի թենիսի ասոցացիայի ներկայացուցիչները, US Open-ի սեփականատերը և մրցաշարի կազմակերպիչները չգիտեին, որ Գուդմենը գտնվում է հետախուզման մեջ, հայտնում է РИА «Новости»-ն: |
