Երեկ գիշերն անհայտ անձինք թալանել են օլիմպիական չեմպիոն գերմանացի Ռոբերտ Հարտինգին, ով ոսկե մեդալ էր նվաճել սկավառակի նետման մրցույթում: Հարտինգը Twitter-ի իր միկրոբլոգում տեղեկացրել է, որ իրենից գողացել են օլիմպիական հավատարմագիրը, ինչի պատճառով էլ նա չի կարողացել մուտք գործել օլիմպիական ավան:
Ինչպես տեղեկացնում է The Daily Telegraph-ը, Հարտինգը չի կարողացել իր համար մտնել անգամ անվտանգության աշխատակիցներին իր անձնագիրը ցույց տալուց հետո. նրանից միայն հավատարմագիր են պահանջել:
Արդյունքում գերմանացին ստիպված է եղել գիշերել փողոցում: Նրան հաջողվել է ննջել երկաթուղային կայարաններից մեկում:
Առավոտյան նրա հավատարմագիրը վերականգնել են, ինչից հետո միայն Հարտինգը կարողացել է իր սենյակ մտնել:
|