16-ամյա Սյուզաննա Հովհաննիսյանը, որին ավելի քան 10 օր փնտրում էին Կրասնայարսկի ոստիկանությունը եւ կամավորները, գտնվել է ողջ եւ առողջ: Նա պարզապես փախել էր իր սիրած տղայի հետ:
Ինչպես ավելի վաղ հայտնի էր հունիսի 11-ին 16-ամյա աղջկան ուշ երեկոյան սրճարանում աշխատանքից հետո տուն են տարել գործընկերները: Սակայն բնակարանում նա այդ օրը չի հայտնվել: Աղջկա հորաքույրը լսել է, որ Սյուզաննան եկել է, իսկ երբ մի քանի ժամ անց այդպես էլ տուն չի մետլ, սկսել է որոնել:
Հունիսի 22-ին հայտնի է դարձել, որ Սյուզաննան գտնվել է:
Դեռեւս որոնումների ժամանակ պարզվել է, որ Սյուզաննան սիրած տղա է ունեցել, սակայն բարեկամները դեմ են եղել նրանց հարաբերություններին: Նրանից խլել են նույնիսկ բջջայինը, որպեսզի նրանք չշփվեն:
Աղջիկը փախել է իր սիրած տղայի մոտ: Զույգը գնացել է մի բնակարան, որը վարձել էին նախապես, գրում է «Կոմսոմոլսկայա պրավդան»:
Հետաքրքիր է, որ Սյուզաննայի հորաքույրն իմացել է զարմուհու գտնվելու վայրը դեռեւս հունիսի 18-ին, աղջկա ընկերն է զանգել, ասել, որ ամեն ինչ կարգին է, հասցեն է ասել, թե որտեղ են ապրում Սյուզաննայի հետ: Սակայն հորաքույրն այդ մասին չի հայտնել ոստիկանությանը: Մնում է պարզել Սյուզաննայի տնից գնալու պատճառները: Նաեւ այն, թե ինչու հորաքույրը չի ցանկացել հայտնել ոստիկաններին, որ որոնումները կարելի է դադարեցնել: | 
