Կոկա-կոլան աշխարհում ամենահայտնի ոչ ալկոհոլային խմիչքն է, որը հնարել է դեղագետ Ջոն Սթիթ Պեմբերդոնը ԱՄՆ-ի Ատլանտա քաղաքում` 1886թ.: Կարծիք կա նաև, որ Ջոնը դրա բաղադրատոմսը 250 դոլարով գնել է մի ֆերմերից: Կոկա-կոլայի բաղադրության մեջ է մտնում կոկի բույսը, որից 1859թ. ստացան կոկայինը: Սկզբում այս ըմպելիքը գրանցվել է որպես դեղամիջոց նյարդային խանգարումների դեմ: Համարվել է նաև պոտենցիայի խթանիչ: Կոկա-կոլայի ստեղծման համար ծախսվել է 70 դոլար, իսկ վաճառքի առաջին տարում օգուտը կազմել է 50 դոլար: Այնուհետև նրա պահանջարկը տարեցտարի ավելացել է: 1902թ. 120 հազար դոլար շրջանառությամբ այն դարձել է ԱՄՆ-ի ամենահայտնի մթերքը: Տարիների ընթացքում փոխվել է ոչ միայն ըմպելիքի արտաքին տեսքն, այլև բաղադրատոմսը: 1903թ. այն սկսել են պատրաստել ոչ թե կոկիի թարմ, այլ չորացրած տերևներից, ինչը բացառում էր կոկայինի առկայությունը: Կոկա-կոլայի իսկական բաղադրատոմսը մինչ այժմ խստագույն գաղտնիք է: Բանաձևը պահվում է SunTrust Bank-ի պահոցներում: |
