Այսօր ամբողջ աշխարհում մարդիկ սգում են հանրահայտ բիզնեսմեն Սթիվ Ջոբսի մահը:Մարդիկ համարում են, որ նրա մահից հետո տեխնոլոգիական առաջընթացը աշխարհումկամ կդադարի, կամ էլ մի քանի անգամ կնվազի:Իրականում այդ բոլոր կարծիքները սխալ վերլուծությունների ու ինֆորմացիայի հետևանք են:
Այնպիսի խոշորամասշտաբ բիզնեսներում, ինչպիսին էր Սթիվ Ջոբսի բիզնեսը ամեն ինչ հաշվարկված է մի քանի տասնամյակ առաջ:Այդ հզորագույն ֆիրմաներում մարկետոլոգներն ու մենեջերները շատ լավ գիտեն ինչպես ստիպեն կամ համոզեն մարդկանց գնել իրենց արտադրանքը:Այդպիսի հզոր միջոցների շնորհիվ նրանք հաջողությամբ խաբում են միլիոնավոր մարդկանց և վաճառում այն, ինչը իրականում չունի այդ գինը կամ իրականում հանդիսանում է ոչինչ: Ընդհանրապես, ինչպես փոքր ու միջին բիզնեսների դեպքում, առավել ևս գերբիզնեսների դեպքում խաբեությունն ու խարդախությունները մշտական գործիքներ են ` միլիարդներ աշխատելու համար: Մեծ ֆիրմաները իրենց արտադրանքը արտադրում են այնպես, որպեսզի այդ տեխնոլոգիաները որոշակի կոնկրետ ժամանակ անց կամաց-կամաց շարքից դուրս գան:Այս ամենը չի արվում պատահական, այլ կատարվում է հատուկ մշակված և պլանավորված գրաֆիկով:Սրա նպատակը այն է, որպեսզի մարդիկ կոնկրետ ժամանակ անց վերադառնան ու գնեն քո արտադրանքից: Այսպես, դու հեռուստացույցով ու այլ լրատվամիջոցներով սկսում ես գոռալ ամբողջ աշխարհում որ ստեղծել ես մի բան, որը կօգնի մարդկանց կյանքը հեշտացնելու և նրանց կյանքը բարելավվելու համար:Մարդիկ սկսում են բառից բուն իմաստով կռիվ տալ որպեսզի գնեն այդ հրաշքից:Գնելուց հետո ծրագրավորածի համաձայն ապրանքը շարքից դուրս է գալիս( որոշակի ժամանակ անց, որը կարող է տևել մոտ 5-6 տարի կամ ավելի), և բոլորը վազում են երկրորդ օրինակը ձեռք բերելու:Իսկ ինչ են անում այդ ֆիրամները, որպեսզի այդ միջանկյալ 5-6 տարվա ընթացքում չսնանկանան:Նրանք փոխում են ապրանքի ասենք գույնը, կամ ավելացնում են մի քանի հետաքրքիր ֆունկցիաներ, որոնք իրականում ոչ մի արժեք չունեն և նորից սկսում են գոռալ այս ու այն տեղ որ նոր տեխնոլոգիական հրաշք են ստեղծել և շուտով կհանեն վաճառքի: Ահա այսպես են խոշոր բիզնեսները միլիարդներ աշխատում, և ահա այսպես է Սթիվ Ջոբսը միլիարդներ աշխատել: VH: Բիզնեսում գոյատևելու համար խաբեության դիմելը բառից բուն իմաստով անհրաժեշտություն է: | 
