 Բարև, մեծարգո երիտասարդ: Այսօր մենք կքննարկենք մի թեմա, որի պատասխանը փնտրել և փնտրում են երիտասարդների մեծ մասը` ինչի մասին կարելի է խոսել աղջկա հետ:
Այսինքն, պատկերացնենք, դու հանդիպում ես այդ լուսաշող և սրբազան արարածին ինչ-որ մի վայրում, քչից-շատից ծանոթանում, և… Non Stop! Ինչի մասին կարելի է խոսել նրա հետ, որպեսզի նա չհամարի քեզ տաղտկալի և սահմանափակ? Այստեղ երևաց քո առաջին սխալը, մեծարգո երիտասարդ. Նախ` սրբազան ու լուսաշող էակ լինելուց առաջ նա մարդ է , իմ և քո նման, թանկագինս: Այնպես որ խոսքային կամ գաղափարային սխալներից վախենալ պետք չէ, նա էլ քո պես մարդ է ` բարդույթներով և սխալվելու իրավունքով:
Հայտնի փաստ է, որ իգական սեռի մեծ մասը սիրում է ականջներով: Ինչի մասին ես դու խոսում ընկերներիդ հետ? Երաժշտության, կինոյի, փիլիսոփայության թե համակարգչային նոր խաղերի? Հավատա, որ այդ թեմաներից յուրաքանչյուրն էլ կարող են օգնել <<կպցնել>> տվյալ աղջկան: ԱՅՆՔԱՆ ԷԼ ԿԱՐևՈՐ ՉԷ, ԹԵ ԻՆՉ ԵՍ ԴՈՒ ԱՍՈՒՄ, ԱՅԼ ԹԵ ԻՆՉՊԵՍ ԵՍ ԴԱ ԱՍՈՒՄ:
Այսպիսով, ներքևում բերված են մի քանի պարզ կանոններ, որոնց օգտագործումը քեզ կօգնեն աղջկան հետաքրքրելու ոչ այնքան հեշտ գործում:
1. Ժպիտ.
Եկ հիշենք, մեծարգո երիտասարդ, իսկ քեզ դուր են գալիս թթված և մռայլ դեմքերով մարդիկ, այդ թվում նաև աղջիկները? Ամենայն հավանականությամբ` ոչ: Իսկ ինչու աղջկան պետք է դուր գան այդպիսի տղաները: Ժպտա, մարդիկ սիրում են երջանիկ ապուշներին կենսախինդ մարդկանց: Բացի դրանից, դու ցույց ես տալիս, որ քեզ դուր է գալիս նրա ներկայությունը` ավելացնելով քո շանսերը:
2. Կոմպլիմենտներ.
Կազմում են աղջկա հետ ճիշտ խոսակցության հիմքը: Հաճոյախոսություններ ասա նրան, բայց ոչ այնքան , որ խեղճ աղջիկը խեղդվի դրանց ծովում, և սկսի լուրջ չընդունել քո կոմպլիմենտները: Կարող ես ասել , թե ինչքան գեղեցիկ կամ խելացի է նա, թե ինչպիսի յուրօրինակ աքսեսուար է կրում: Մնացածը թողնում եմ քո երևակայությանը: Կարևորը` անկեղծ լինի կամ հնչի:
3. Շատ մի պատմիր քո մասին.
Հետաքրքրվիր, թե ինչ նպատակներ ունի, որտեղ է սովորում կամ աշխատում, ինչ հետաքրքրություններ ունի: Հավատա, նրան հաստատ չի հետաքրքրի երեք ժամանոց պատմությունը այն մասին, թե ինչպես դու գրեցիր քո նոր դիսերտացիան: Սակայն այս անգամ ևս պետք չէ ընկնել ծայրահեղությունների գիրկը: Եթե միայն նրա մասին խոսեք, աղջկա մոտ կարող է այնպիսի զգացողություն առաջանալ, թե ինքը հարցաքննման է: Պատմիր նաև քո մասին, բայց մանրամասնությունների հետևից մի ընկիր:
4. Մի օգտագործիր հայհոյանքներ կամ վիրավորական բառեր.
Եթե նույնիսկ դու դրանք օգտագործում ես լրիվ ուրիշ մարդու հասցեին, մեկ է, որակավորվում ես որպես գռեհիկ և անկուլտուրական անձ:
5. Մի ձգտիր ցույց տալ նրան քո գերազանցությունը.
Այո, այո, բոլորս էլ գիտենք , որ դու աշխարհի ամենախելացին և զարգացածն ես, բայց փորձիր այդ գիտելիքներդ փոքր-ինչ մի կողմ դնել: Եթե խոսք է գնում, ասենք, Մոեմի <<Թատրոն>> ստեղծագործության մասին, իսկ դու տեսնում ես, որ նա ակնհայտորեն չի կարդացել դա, պետք չէ հարցնել <<Իսկ դու այն կարդացել ես?>>` ստիպելով, որ քո ներկայությունը նրա մոտ ասոցացվի իր թերարժեքության զգացումով: Ուղղակի փորձիր խոսակցությունը ստեղծել այն թեմայի շուրջ, որից երկուսդ էլ գլուխ եք հանում: Վասնզի, մեծարգո երիտասարդ, եթե պարզվեց , որ դու նրանից հետ ես մնում զարգացվածության մակարդակով, աղջիկը ուղղակի կսկսի քեզ վերևից նայել:
6. Մի դարձիր նրա ընկերուհին.
Սա տղայի համար ամենավտանգավոր երևույթներից մեկն է: Երբեմն` նրան անընդհատ սփոփելով և <<Vogue>> ամսագրի վերջին համարը բուռն քննարկելով` ավտոմատիկ կերպով սկսվում ես դասվել նրա ընկերուհիների շարքին: Արական սեռի ընկերուհի, որի մոտ միշտ կարելի է լացուկոծ սարքել պատռված զգեստի կամ ջարդված <<կաբլուկի>> համար: Ինչպես նշեցի, սա ամենավտանգավոր երևույթներից մեկն է , քանի որ տվյալ դեպքում նա քեզ այլևս չի դիտարկում որպես տղամարդ:
Շփվիր նրա հետ, խոսիր հետաքրքրություններից, բայց միայն որոշակի դիստանցիա պահպանելով:
Իհարկե, բոլոր աղջիկներն էլ շատ տարբեր են, և ընդհանուր սահմանում գտնելն ուղղակի անհնար է, բայց վերոնշյալ կանոնները գործում են աղջիկների, շուրջ 80 %–ի վրա:
Ամենայն հաջողություն եմ մաղթում քեզ: Կպցնենք ՁԵՆ ՀԱՆԵՔ |
