Նիգ-Ապարան՚ հայրենակցական միությունը ավանդաբար հունվար ամսին Ապարան քաղաքի հրապարակում կազմակերպում է հին տոմարով Նոր տարվա տոնակատարություն, որին սիրով մասնակցում է ինչպես Ապարանիտարածաշրջանի, այնպես էլ մայրաքաղաք Երեւանի եւ հանրապետության մարզերի ազգաբնակչությունը;
Հանրապետության մարզերի ներկայացուցիչները, Ապարանի տարածաշրջանի գյուղական համայնքներն իրենց ազգագրական երգ ու պարով, ավանդական ուտեստներով եւ աղանդերով միասնաբար կնշեն հին տոմարով Նոր տարին;
Տոնահանդեսին կմասնակցեն եւ իրենց երգով ու արվեստի հմայքով ժողովրդին կոգեւորեն հանրաճանաչ երգիչ-երգչուհիներ, գեղարվեստական խմբեր;
Հարգելի հայրենակիցներ, համաժողովրդական տոնախմբություն դարձած ՙՀին տոմարով Նոր տարի՚ տոնահանդեսը տեղի կունենա Ապարան քաղաքի հրապարակում հունվարի 11-ին, ժամը 12.00; Սիրով հրավիրում ենք ձեզ մասնակցելու ավանդական դարձած տոնախմբությանը;
Երեւանից ավտոշարասյունը Ապարան քաղաք կուղեւորվի ժամը 10.30-ին Հասրաթյան փողոցից, ՙՇանթ՚ պաղպաղակի գործարանի մոտից;

ՙՆիգ-Ապարան՚ ՀԲՀԿ