Հայաստանի հավաքականի և Դոնեցկի «Շախտյորի» առաջատար ֆուտբոլիստ Հենրիխ Մխիթարյանը, «Команда» թերթի անցկացրած հարցման արդյունքում, ճանաչվել է ուկրաինական Պրեմիեր լիգայի, օգոստոս ամսվա լավագույն ֆուտբոլիստ:
Հենրիխի օգտին գրանցվել է 28 միավոր: Երկրորդ տեղում է Կիևի «Դինամոյի» հարձակվող Բրաուն Իդեյեն՝ 4 միավորով, իսկ երեքական միավորով երրորդն են ճանաչվել Անդրեյ Յարմոլենկոն («Դինամո») և Ալեքսեյ Շևչենկոն («Մետալուրգ» Զ.):
Օգոստոս ամսվա արդյունքներ. Հենրիխ Մխիթարյան («Շախտյոր») - 28 միավոր Բրաուն Իդեյե («Դինամո») - 4 մ. Ա. Յարմոլենկո («Դինամո»), Ա. Շևչենկո («Մետալուրգ» Զ.) - 3 մ. Ռ. Զոզուլյա, Ե. Կոնոպլյանկա (երկուսն էլ՝ «Դնեպր») - 2 մ. Մ. Վելոզու («Դինամո»), Ս. Նազարենկո («Դնեպր»), Կլեյտոն, Խոսե Սոսա (երկուսն էլ՝ Մետալիստ) - 1 Այս ամսվա հարցմանը, Հենրիխ Մխիթարյանի վստահ արդյունքը հնարավորություն տվեց նրան վստահորեն առաջատարը դառնալու նաև ընդհանուր հաշվարկում: Ուկրաինայի լավագույն ֆուտբոլիստ. ընդհանուր հաշվարկ (հուլիս - օգոստոս) Հենրիխ Մխիթարյան («Շախտոր») - 34 միավոր Բրաուն Իդեյե («Դինամո») - 20 Ռոման Զոզուլյա («Դնեպր») - 5 Հիշեցնենք, որ «Команда» -ն լավագույններին որոշելու համար, հարցումն անցկացնում է Ուկրաինայի առաջնությունում հանդես եկող ակումբների մարզիչների, թիմերի ավագների ու լրագրողների շրջանում: Ի դեպ, միայն «Շախտյորն» է, որ արդեն երկար ժամանակ բոյկոտում է այդ հարցումը և չի ներկայացնում իր տարբերակը: | 
