PR - Հասարակայնության հետ կապեր (Public Relations): Հարկ է նշել, որ հասարակայնության հետ կապերհասկացությունը ձևավորման առաջին փուլում հիմնականում առնչվում էր քաղաքական ոլորտի հետ, քանիոր հասարակայնության լայն զանգվածներին իրենց կողմ դարձնելու, համոզելու գլխավոր պահանջարկունեին քաղաքական ինստիտուտները: Այսօր այն պակաս նշանակություն չունի նաև շոու բիզնեսի ներկայացուցիչների համար:
Փորձեցի PR-ի դերի ու նշանակության մասին խոսել մի երգչուհու հետ, ով երգարվեստ մտնելու առաջին իսկ օրից իր կողքին ունեցել է մի մեծ թիմ, որը զբաղվել է նրա պրոդյուսերությամբ, ինչպես նաև PR-ով:
Խոսքը երգչուհի էմմիի մասին է, ով վերջերս կարծես թե չի երևում ասպարեզում, սակայն դա ամենևին էլ չի նշանակում, որ թուլացել է նրա PR –ով զբաղվող աշխատակազմի աշխատանքը: Էմմին հեռուստադիտողին և իր երկրպագուներին ամռան վերջին կուրախացնի միանգամից երկու նոր տեսահոլովակներով:
-Էմմի, բոլորին հայտնի է, որ Ձեր իրական անունը Էմմա է, Էմմա Բեջանյան: Էմմի անունը իմիջային նշանակության կարևորությամբ ստեղծվե՞ց:
-Ես կողմնակից եմ, որ արտիստը անուն-ազգանունով հանդես գա: Համարում եմ, որ անուն-ազգանունը շատ ավելի «թանկ» է հնչում: Իմ դեպքում խնդիրն այն էր , որ այն ժամանակ երբ ես նոր էի իմ առաջին քայլերն ուզում անել շոու բիզնեսում, երգչուհի Էմմա Պետրոսյանն արդեն բավականին հայտնի էր: Այդ նկատառումներով որոշեցինք այնպես անել, որ անունը չկրկնվի, շփոթություն չառաջացնի և եկանք այն եզրակացության , որ երգարվեստ մուտք պիտի գործեմ Էմմի անունով:
-Դու այն երգչուհիներից ես, ում համար աշխատում է մի ամբողջ թիմ: Ո՞վքեր են ներգրավված այդ խմբում, և որն է նրանց դերը :
-Դա իմ պրոդյուսերի` Նադեժդա Սարգսյանի թիմն է, նրա պրոդյուսերական կենտրոնը: Ես երբեք որևէ տեղ հանդես չեմ եկել առանց թիմի: Եթե գնում եմ համերգի, ապա ինձ ուղեկցում է համերգային մենեջերս, եթե այնպիսի համերգ է, որին պետք է պատրաստվել նաև գովազդով, տեղեկատվության տարածմամբ և այլն, մեզ է միանում նաև PR մենեջերը: Ունենք նաև իրավաբան, հատուկ աշխատակիցներ, ովքեր արտասահմանում զբաղվում են այնտեղ կազմակերպվող համերգների և, առհասարակ, իմ արտասահմանյան գործունեության համար: Աշխատանքի պրոֆեսիոնալ ձևը սա է` արտիստը պետք է մտածի միայն երգելու մասին և ժամանակ չծախսի կազմակերպչական և այլ բնույթի հարցերի վրա: Երգչի կայացման հարցում ամեն ինչ նշանակություն ունի ` լավ թիմը , լավ հագուստը, լավ տեսքը, լավ ելույթը և այլն. ամեն ինչ պիտի մշակված և իրականացված լինի պրոֆեսիոնալների կողմից:
-Ձեր PR մենեջերը ինչպե՞ս է կազմակերպում և իրականացնում արտասահմանում կայանալիք Ձեր համերգները, ինչպես նաև գովազդային արշավները:
-Մենք տարբերություն չենք դնում, թե համերգը որտեղ է լինելու, մեզ համար մեր հանդիսատեսը թանկ է` անկախ երկրից: Արտասահմանյան համերգն առհասարակ կազմակերպում և իրականացնում է հրավիրող կողմը, սակայն մենք հետևում ենք և տեղյակ ենք ամբողջ ընթացքից: Իսկ ինչ վերաբերում է հայաստանյան համերգներին, ապա ասեմ, որ նույնիսկ մարզերում նույնչափ և նույն որակի աշխատանք է տարվում, ինչպիսին արտասահմանյան համերգի համար: Ես նույն ջանքն ու եռանդն է դնում այդ ամենի մեջ` անկախ նրանից, թե որտեղ է համերգը և ինչ հանդիսատեսի համար: Հանդիսատեսը մնում է հանդիսատես, բոլորն էլ արժանի են հավասարաչափ ելույթ դիտելու և լսելու, հավասարաչափ տեղեկացված լինելու իրենց սիրված երգչի և նրա կողմից ստեղծվող աշխատանքի մասին:
-Այն տարի, երբ Դուք մասնակցեցիք Եվրատեսիլին ամեն ինչ շատ թույլ էր, ի տարբերություն այն տարվան, երբ Սիրուշոն էր մասնակցում: Ի՞նչն էր պատճառը, որ օղակը լավ չաշխատեց:
-Ի սկզբանե, երբ արդեն որոշված էր, որ ես եմ մեկնելու Եվրատեսիլ, առաջին բանը, որ արեցի, դա այն էր, որ խնդրեցի մայրիկիս և մեր թիմին ոչնչի չխառնվել: Որովհետև գիտեի` անկախ ամեն ինչից, ինչ էլ որ լիներ, մեր թիմն էր մեղավոր լինելու: Այդ պատճառով որոշեցի, որ իմ աշխատակազմն ինձ կօգնի միայն իմ անձնական հարցերում, այն ինչ կախված է իմ անձի հետ և ոչ թե Եվրատեսիլի: Այնուամենայնիվ մեր PR-մենեջերը և մեր ընկերները, մեր երկրպագուները մեզ շատ օգնեցին իմ մասնակցությունը ինտերնետային կայքերում լավ գովազդելու և լուսաբանելու համար: Ինչ վերաբերում է հանրային հեռուստատեսությանը , որոնք որ պատասխանատվություն էին կրում կոնկրետ մրցույթի հետ կապված, զիջում էր նախորդ տարիների պատրաստվածությանը:
Ես սա վերագրում եմ նրան, որ հանրային հեռուստատեսության աշխատակազմն էր փոխվել, ովքեր մինչ այդ զբաղվում էին եվրատեսիլով: Կարծում եմ, որ սա այդ նոր աշխատակազմի առաջին Եվրատեսիլն էր, և երևի թե դա է պատճառը, որ թերություններ շատ եղան: Չեմ ուզում այլ բաների վրա շատ կենտրոնանալ, բայց ոչ ոք խուլ չի, կույր չի, ամեն ինչ էլ տեսել ենք և լսել: Բայց դա ինձ չէր խանգարում հանդես գալ նույն ջիղով, ինչպես որ պատրաստ կլինեի հանդես գալ լավ PR-ի ժամանակ : Թեև ասեմ, որ թույլ PR –ը և այլ թերությունները այդ պահին ինձ ամենաքիչն էին հուզում: Ես շատ ծանր հոգեվիճակում էի և եվրատեսիլին մասնակցել եմ` գիտակցելով , որ եթե հրաժարվեմ, իմ երկիրը տուգանք է վճարելու: Ամեն դեպքում ես հուսով եմ և համոզված, որ հաջորդ եվրատեսիլի ժամանակ մեր մասնակիցը նույն ճանապարհով չի անցնի, ինչերի միջով ես անցա:
- Լուրեր են պտտվում, որ ԱՄՆ-ում բացվել է գեղեցկության սրահ, որը կոչվում է Ձեր «Բում-բում» Եվրատեսիլյան երգի անվամբ, դա ճի՞շտ է:
-Այո, իմ շատ մոտ ընկերներից մեկը` Կարենը, Բևերլի Հիլզում բացեց գեղեցկության սրահ և այն իմ պատվին անվանեց իմ երգի անունով` բում-բում, որի համար անչափ շոյված եմ:
-Վերջերս կոտրել էին Ձեր facebook-ի էջը: Պատասխանատվության կենթարկվե՞ն այն իրականացնողները:
facebook-- ում կատարված այս չար արարքի մասին ոչ մի հրապարակում չեմ կարող անել, սակայն պատժի ենթարկելու համար դեռևս ոչինչ չի արվում : Հիմա միայն բանակցություններ են տարվում facebook-ի մենեջերների հետ: Առիթից օգտվելով ուզում եմ ասել, որ ով մինչ այս ինձ հետ կապ էր հաստատում facebook-ի միջոցով, ինձ այնտեղ նամակներ չթողնեն: Էջը դեռ վերականգնված չէ, իրենց նամակները թող թողնեն Emmy.am կայքում:
-Ի՞նչ նոր ստեղծագործական նորություններ ունեք Ձեր երկրպագուների համար:
-Մեկնելու եմ Յուրմալա` Նոր ալիք 2012 մրցույթին ներկա գտնվելու և մեր Հայաստանյան ներկայացուցիչներին աջակցելու համար: Սպասվում են նաև համերգներ և տեսահոլովակներ, սակայն այսքանից ավել դեռ ոչինչ չեմ կարող ասել: |