«Բարսելոնայի» գլխավոր մարզիչ Խոսեպ Գվարդիոլան մեկնաբանել է Իսպանիայի առաջնության 24-րդ տուրի` «Վալենսիայի» հետ հանդիպումը (5:1), ինչպես նաև իր հիացմունքն է հայտնել Մեսսիի խաղով: «Մենք «Ռեալից» հետ ենք մնում 10 միավորով, բայց չեմ կարող ասել, որ մենք այդքան վատ ենք հանդես գալիս: Հիմա մեր խնդիրն է պահպանել ինտրիգը: Բոլոր այս երեք ամիսներին մենք պետք է մնանք տիտղոսի համար մղվող պայքարում: Դա մեր գլխավոր նպատակն է: Եթե իմ թիմը շարունակի այս կերպ ելույթ ունենալ, ինձ համար որևէ նշանակություն չեն ունենա իմ ասպագայի վերաբերյալ բամբասանքները: Շատ հանգամանքներ են ազդել այն բանի վրա, որ մենք այսքան հետ ենք մնում «Ռեալից»: Հավանաբար այդ տարբերությունը շատ դժվար կլինի չեզոքացնել: Բայց մենք պետք է փորձենք: Այսօր մենք շատ լավ խաղացինք: Մարզադաշտում գտնվողները հոտնկայս դիմավորեցին այս հաղթանակը, ինչի համար մենք շատ ուրախ ենք: Բոլորիս բախտը բերել է, որ ներկայիս «Բարսելոնայի» ֆուտբոլիստների ժամանակակիցներն ենք: Նրանք յուրահատուկ են: Իսկ մենք հիանալի հնարավորություն ունենք վայելել նրանց խաղը: Թիմի հասցեին քննադատություննե՞րը: Դժվար է բոլոր առումներով լինել առաջինը: Բայց մենք անում ենք մեզնից կախված ամեն ինչ: Չավին այսօր խաղադաշտում մի քանի րոպես անցկացրեց, բայց հացրեց ցույց տալ, թե ինչի է ընդունակ: Ինչ վերաբերում է Մեսսիին` նրա խաղը պարզապես անհավանական է: 24 տարեկանում նա արդեն կարող է գերազանցել ակումբի ռմբարկուական ռեկորդը: Այդ թվին հասնելու համար մնացել է ընդամենը 12 գոլ: Ի՞նչ եք կարծում, քանի շաբաթ է նրան հարկավոր»,- Գվարդիոլայի խոսքերն է մեջբերում Aparanblog-ը:
|