Ֆրանսիայում կիրառել են աշխարհում ամենաարագ կապի միջոցը՝ Փարիզը Լիոնին միացնող 450 կմ-անոց օպտիկամանրաթելային մալուխը: Այստեղ կիրառվող նոր տեխնոլոգիան թույլ է տալիս փոխանցել տվյալները ռեկորդային արագությամբ՝ մոտ 400 գեգաբայթ վայրկյանում:
Սա 4 անգամ գերազանցում է նախկինում ամենաարագ կապի միջոցը: Այս նոր գերարագ կապի ենթակառույցները մշակել է Ֆրանսիայում հեռահաղորդակցության ոլորտում ամենամեծ ընկերությունը ՝ Alcatel Lucent-ը:
Գերարագ կապը հասանելի կլինի Orange մատակարարի բաժանորդներին: Ընդ որում՝ ծառայությունների նախկին արժեքը դրանից չի ավելանա:
