Հեթ - տրիկ ձևակերպելով Մալյորկայի դեմ խաղում, Մեսսին իր գոլերի թիվը Լա Լիգայում հասցրեց 13 - ի: Դա Բարսայի 10 համարի պատասխաններ քննադատներին:
"Խելահեղություն էր այն, որ ասում էին, թե ես ճգնաժամի մեջ եմ, քանի որ գոլ չեմ խփել վերջին 3 խաղերում", - հայտարարեց Մեսսին, ում մասին շատերն ասում էին, թե գտնվում է ոչ այդքան լավ ֆիզիկական վիճակում: Սակայն արգենտինացու փայլուն խաղը պատասխանեց բոլոր հարցերին: Նա շարունակում է անել այն, ինչ իրեն դուր է գալիս` գոլեր խփել: Արդյունքում Լեոն ընթացիկ մրցաշրջանում Լա Լիգայի լավագույն ռմբարկուն է:
Մեսսին բացատրեց, որ "ինձ չեն հետաքրքրում գոլերը: Ինձ համար մեկ է, թե երբ կարող եմ աչքի ընկնել, իսկ երբ` ոչ: Այն, ինչ ինձ հետաքրքրում է, դա հաղթելն է":
Ադրիանո Կորեյա
"Մենք շատ լավ հաղթանակի հասանք տանը":
"Ես մարզչի տրամադրության տակ եմ, հենց որ իմ կարիքը լինի: Ես երջանիկ եմ, որ օգնեցի Լեոյին ու Իսաակին գոլեր հեղինակել: Կամաց - կամաց ես լավ մարզավիճակ կհավաքեմ և ի վերջո կխաղամ ուժերիս 100% - ով":
Իսաակ Կուենկա
"Մարզիչն ինձ վստահում է և ես ամեն օր ցույց եմ տալիս այն, ինչ կարող եմ: Ամեն խաղին ես դուրս եմ գալիս կենտրոնացած և ինձ մոտ շատ բան է ստացվում":
"Ես շատ գոհ եմ և ոգևորված գոլի համար: Այդ պահին ես ոչնչի մասին չէի մտածում: Ես միայն ցանկանում էի ժպտալ ուրախությունից":
Դանիել Ալվես
"Իմ բախտը բերեց, որ ես թիմի մեծ աշխատանքն ավարտեցի գոլով":
"Միակ բանը, որ պետք է անենք, դա աշխատելն է այնպես, որ մեզ վրա չկասկածեն, ինչը գալիս է ցուցադրած խաղից":
"Մենք մեծագույն թիմ ենք, քանի որ խաղացողներն առանց որևէ խնդրի հարմարվում են նրան, ինչ ցանկանում է Գվարդիոլան":
Մարզում այսօր
Այսօր` Երևանի ժամանակով 14:00 - ից սկսած, թիմը մարզում կանցկացնի Սյուտատ Էսպորտիվա մարզաբազայում` փակ դռների հետևում: Մարզումից հետո Սեյդու Կեյտան կմասնակցի մամլո ասուլիսի: