Facebook սոցիալական ցանցում նոր վտանգավոր վիրուս է հայտնվել, ինչի հետևանքով արդեն ավելի քան 800 000 օգտատեր է տուժել: Այս մասին այսօր հայտնել է իտալական կիբերանվտանգությամբ զբաղվող Business Standard ընկերությունը: Օգտատերերը էլեկտրոնային նամակի միջոցով ստանում են հղում, ու սեղմելուց հետո տեղի է ունենում այլ կայքի վերահասցեավորում, որտեղ առաջարկվում է ներբեռնել բրաուզերի ընդլայնման կամ տեսանյութերի դիտման նոր ծրագիր: Գիտաշխատող Կառլո դե Միքելին հայտնել է, որ այն ներբեռնելուց հետո հաքերները մուտքի իրավունք են ստանում դեպի համակարգիչն ու բացահայտնում բոլոր ծածկագրերը: Փորձագետը հավաստում է, որ մեկ ժամվա ընթացքում 40 000 հատ հարձակում է տեղի ունենում ու ընդհանուր առմամբ արդեն Chrome բրաուզերի ավելի քան 800 000 օգտատեր է տուժել:
Google ընկերության մամլո քարտուղարը հայտնել է, որ կորպորացիան տեղյակ է վիրուսի մասին ու համապատասխան միջոցառումներ է ձեռնարկում: Իտալական ընկերությունը հավաստում է, որ վիրուսը ստեղծել են Թուրքիայի հաքերները:
|
