Աշխարհի և Եվրոպայի գործող չեմպիոնների՝ Իսպանիայի ընտրանու կիսապաշտպան Անդրես Ինյեստան հայտարարել է, որ Կոնֆեդերացիաների Գավաթի խաղարկության եզրափակիչ դիմակայության հաղթողի գլխավոր հավակնորդն այդ խաղում իրենց մրցակից՝ մրցաշարի տանտեր Բրազիլիան է։
Հանդիպումը կայանալու է հուլիսի 1-ին, «Մարականա» մարզադաշտում։
«Կարծում եմ, որ բրազիլացիներն այդ հանդիպման ֆավորիտներն են։ Նրանք հանդես են գալիս սեփական հարկի տակ և կարող են ակնկալել բազում հանդիսականների աջակցությունը։ Մենք, մեր հերթին, այդ գործոնը պետք է լավագույնս օգտագործենք՝ որպես լրացուցիչ խթան հաղթելու համար։ Չէ՞ որ չկա ավելի գրավիչ մարտահրավեր, քան Բրազիլիայի հավաքականին հաղթելը իր խաղադաշտում։
Նրանք՝ շատ ուժեղ թիմ են, բայց մենք նույնպես հավակնում ենք հաղթել եզրափակիչ մրցավեճում»,-Ինյեստայի խոսքերն է փոխանցում իսպանական մամուլը։
