«Մանչեսթեր Սիթիի» հարձակվողական ոճի կիսապաշտպան Դավիդ Սիլվան հայտարարել է, որ իրեն երջանիկ է զգում անգլիական ակումբում և չի ափսոսում, որ նախկինում չի հայտնվել Մադրիդի «Ռեալում» և «Բարսելոնայում»: «Ո՜չ «Բարսելոնան», ո՜չ «Ռեալն» ինձ չհրավիրեցին, իսկ «Մանչեսթեր Սիթին» հրավիրեց, և ես եկա: Ես երջանիկ էի «Վալենսիայում», բայց հանգամանքների բերումով տեղափոխվեցի «Սիթի»: Ես երջանիկ եմ Անգլիայում: Պայմանագրիս ավարտին դեռ 2 տարի կա, և չեմ ցանկանում մինչև այդ լքել ակումբը: Խաղընկերներս հարմարվել են իմ խաղաոճին, իսկ ես հաճույք եմ ստանում իմ խաղից: «Ռեալն» ու «Բարսելոնան» շատ են աշխատել իրենց ներկա կարգավիճակին հասնելու համար: Նրանք բազմաթիվ տիտղոսներ են նվաճել և մեծ հնարավորություններ ունեն: «Սիթին» աստիճանաբար մոտենում է այդ մակարդակին: Եթե ոչ հաջորդ մրցաշրջանում, ապա շատ շուտով մենք կպայքարենք Չեմպիոնների լիգան հաղթելու համար»,- Իսպանիայի հավաքականի ֆուտբոլիստի խոսքերն է մեջբերում Daily Mirror-ը: |