Շվեյցարիայի Նիոն քաղաքում այսօր կայացավ Չեմպիոնների լիգայի 2011/12թթ. խաղարկության քառորդ եզրափակիչի վիճակահանությունը: Քառորդ եզրափակիչի 8 մասնակիցները ներկայացնում են միանգամից 7 երկրներ, ինչը բացառիկ երևույթ է հեղինակավոր մրցաշարի պատմության ընթացքում:

Ամենաուժեղ զույգը կազմեցին իտալական «Միլանն» ու «Բարսելոնան», որոնք մրցակցիներ էին նաև խմբային մրցաշարում: Այս անգամ հեղինակավոր թիմերը, որոնց են պատպանում Չեմպիոնների լիգայի վերջին 10 տարվա 5 հաղթանակները, այս անգամ կպայքարեն կիսաեզրափակչի ուղեգրի համար:

Իսպանական մյուս գրանդին' Մադրիդի «Ռեալին», բաժին հասավ քառորդ եզրափակիչի ամենացանկալի մրցակիցը' Կիպրոսի ԱՊՕԷԼ-ը, որն արդեն իսկ մեծ սխրանք է գործել' մտնելով Եվրոպայի լավագույն ութ թիմերի ցանկ:
Քառորդ եզրափակիչ
1. ԱՊՕԷԼ(Կիպրոս)-«Ռեալ» (Իսպանիա)
2.«Օլիմպիկ» (Ֆրանսիա)-«Բավարիա» (Գերմանիա)
3.«Բենֆիկա» (Պորտուգալիա)-«Չելսի» (Անգլիա)
4.«Միլան» (Իտալիա)-«Բարսելոնա» (Իսպանիա)
Առաջին հանդիպումները կկայանան մարտի 27/28-ին, պատասխան հանդիպումները'ապրիլի 3/4-ին:

Կիսաեզրափակիչ
1-ին զույգի հաղթող-2-րդ զույգի հաղթող
3-րդ զույգի հաղթող-4-րդ զույգի հաղթող