Բարսելոնայի պատվիրակությունը սկսել է չվերթը Պրահա, որտեղ վաղը` Երևանի ժամանակով 23:45 - ից սկսած, մրցելու է Պլզենի Վիկտորիայի հետ:
Օրը Բարսայի համար շատ վաղ սկսվեց: Պատվիրակությունը Կամպ Նոուից Էլ Պրատ օդանավակայան ուղևորվեց Երևանի ժամանակով 12:30 - ից սկսած: Ինքնաթիռը թռիչքը սկսեց մի փոքր ուշացումով` Երևանի ժամանակով 13:30 - ին: Թռիչքի մեկնարկից 2,5 ժամ անց նախատեսված է վայրէջքը Պրահայում:
Բացի հայտավորված 21 խաղացողներից ու տեխնիկական անձնակազմից, պատվիրակության մեջ են նաև Էդուարդ Քոլը, Ռամոն Սիերկոն ու Անտոնի Սուբիսարետան: Պատվիրակությունը գլխավորում է Սանդրո Ռոսելը:
Մարզում երեկոյան
Պրահա ժամանելուն պես, պատվիրակությունը կհանգրվանի Էդեն մարզադաշտին մոտ գտնվող հյուրանոցում: Երևանի ժամանակով 21:15 - ից սկսած Խոսեպ Գվարդիոլան ու Ժերարդ Պիկեն կմասնակցեն նախախաղյա մամլո ասուլիսի, որից 45 րոպե անց կմեկնարկի մարզումը նույն Էդեն մարզադաշտում: Դա կլինի վերջին մարզումը խաղից առաջ:
Հանդիպման ավարտից հետո պատվիրակությունը կգիշերի հյուրանոցում և Բարսելոնա կվերադառնա հաջորդ օրը: Չորեքշաբթի` Երևանի ժամանակով 14:00 - ին, ինքնաթիռը կսկսի չվերթը Կատալոնիա: Վայրէջքն Էլ Պրատ օդանավակայանում նախատեսված է թռիչքի մեկնարկից 2,5 ժամ հետո:
Ավելացնենք, որ վաղը` Երևանի ժամանակով 16:00 - ին, Բարսելոնայի և Վիկտորիա Պլզենի ղեկավարները կճաշեն Սելեստե ռեստորանում: