ԱՄՆ նախագահ Բարաք Օբամային Լոնդոնի կենտրոն մուտք գործելիս վճարում չանելու համար տուգանել են։ Ինչպես հայտնում է РСН-ը՝ վկայակոչելով The Daily Mail պարբերականին, 120 ֆունտ սթերլինգի չափով տուգանքը դրվել է նախագահական ավտոշարասյան մեքենաներից մեկի վրա։
Օբամայի այցի ժամանակ Լոնդոնի քաղաքապետը ԱՄՆ ղեկավարին խնդրել է ավտոշարասյան յուրաքանչյուր մեքենայի համար 10 ֆունտ սթերլինգ վճարել։ Սակայն ԱՄՆ դեսպանատունը հրաժարվել է անել դա՝ վկայակոչելով Վիեննայի կոնվենցիան, համաձայն որի դիվանագիտական առաքելություններից հարկեր չպետք է գանձել։
Լոդոնի իշխանություններն իրենց հերթին հայտարարել են, որ քաղաքի կենտրոն մուտ գործելու համար գանձվող գումարը հարկ չէ եւ ենթակա է վճարման։ |
