- Ֆիլմում քո կերտած հերոսը իրական Միշոյի հետ ինչ որ կապ ունի՞: - Հաստատ լիքը կապ ունի. ես ինքս պոկերի մեծ սիրահար եմ: Ու սցենարով իմ հերոսը պոկեր խաղացող ա: - Նախորդ ֆիլմում (Պահանջվում է միլիոնատեր) հանդես ես եկել, որպես հայտնի սրտակեր: Ի՞նչ հաջողություններ ունի կանանց հարցում Գարիկը` քո հերոսն այս ֆիլմում: - Առաջինի համեմատ, էս մյուսն ավելի զուսպ ա, բայց մտքերով էլի տենց մի քիչ լկտիոտ կերպար ա, ու լավ հումորով դեմքա: - Հե՞շտ ես դերի մեջ մտնում: - Սա արդեն իմ երկրորդ փորձն ա կոմեդիայում, ու ես ավելի եմ համոզվում, որ կոմեդիան ամենաբարդ ժանրն ա: Դրամատիկ ժանրում կոնկրետ ուղղություն ունես ու գիծը տանում ես, իսկ ստեղ պետք ա կարողանաս անընդհատ փոփոխվես, որ համովի մեջ մնաս: Ու ինչքան էլ սցենարը, կոպիտ ասած, քո վրով լինի գրած, միևնույն ա, պետք ա կարողանաս համովության բալանսը պահես: - Ի՞նչ գործոններ ես հաշվի առել, որ համաձայնվել ես նկարահանվել այս ֆիլմում: - Թող գոռոզություն չհնչի, չնայած կարա և հնչի, ես մոտ 10 ֆիլմի սցենարներ մեժել եմ, զուտ էն պատճառով, որ գիտեի, իրա ելանյութը որակյալ չի լինելու, նկարահանող խումբը և սցենարը թույլ էին: Իսկ այս երկու ֆիլմերի դեպքում սցենարը կարդալուց հասկացա, որ աշխատող ֆիլմ ա, ստեղ մենակ մի օղակը չի որ ուժեղ ա. այսինքն մենակ օպերատոր չի որ լավն ա, կամ ռեժիսորը. հաշվի են առված բոլոր մանրուքները, աշխատած ա բոլոր ճյուղերի վրա: Դե իսկ սցենարն իրոք որ հաջող ա, ես կարդալուց արդեն ծիծաղում էի, իսկ դա նշանակում ա, որ նկարահանված վիճակում հաստատ շատ ավելի ծիծաղալու կլինի: - Իսկ հոնորարը կապ ունի՞: - Սենց ասեմ` եթե կա երեք կետ, որի համար ես կհամաձայնվեմ ֆիլմում նկարահանվել, հոնորարը կլինի երրորդ կետը: Իսկ առհասարակ, կապ ունի, ոնց չէ: - Հնարավո՞ր է, որ մի օր հրաժարվես ռեպից և մնաս դերասանական գործունեության մեջ: - Հարցը տեղին կլիներ, եթե Հայաստանում կինոինդուստրիան շատ զարգացած լիներ, որ կարողանայիր ամբողջովին խրվել դրա մեջ: Ճիշտ ա, արդեն տենդենց կա, բայց այս կարգի լավ ֆիլմերը հազվադեպ են լինում, ու նենց չի որ կարաս միշտ դրանով զբաղվես: Ինձ հոգեհարազատ ա ռեպը, իսկ որպես դերասան հանդես գալն ուղղակի նոր վիճակա, որ փորձում եմ, ու բավականին խիստ քննադատություն եմ դրսևորում ինքս իմ արած աշխատնքի նկատմամբ: - Ի՞նչն է դժվարացնում նկարահանման ընթացքը: - Նախորդ ֆիլմի համեմատ ավելի մասշտաբային են նկարահանումները, շատ ավելի մեծ թվով մարդիկ են աշխատում: Բայց դերասանների համար լարվածությունն էդքան էլ մեծ չի: Թվում ա` մեծ ծավալները պետք ա, ինչ որ տեղ, ավելի դժվարացնեն ընթացքը, բայց ամեն ինչ հստակ կազմակերպված ա, բոլորն իրանց անելիքը գիտեն: Իսկ դերասանից հասնում ա ամբողջովին կենտրոնանալ իր դերի վրա:
|