Կապիտան մականունով շունն իր պահվածքով ևս մեկ անգամ ապացուցում է այն տարածված կարծիքը, որ կենդանու հավատարմությունն ու սերը սահմաններ չեն ճանաչում: Ինչպես գրում է Lav Voz ամսագիրը, կապիտանն արդեն 6 տարի չի հեռանում իր հանգուցյալ տիրոջ շիրիմի մոտից: Հանգուցյալի այրին պատմել է, որ շունն անհետացել է իրենց տնից ամուսնու մահից որոշ ժամանակ անց: Այդ ժամանակ ընտանիքի անդամները կարծել են, թե շունը փախել է կամ մեքենայի տակ է ընկել, սակայն շուտով կենդանուն հայտնաբերել են գերեզմանատանը` տիրոջ շիրիմի կողքին պառկած: Բոլորի համար այդպես էլ գաղտնիք է մնում այն հանգամանքը, թե ինչպես է շունը կարողացել գտնել գերեզմանատունը` առավել ևս՝ տիրոջ շիրիմը: «Կապիտանի ապշեցուցիչ այս պատմությունն արժեքավոր դաս է մարդկանց համար, թե ինչպես է հարկավոր պահպանել իրենց սիրելիների հիշատակը»,-եզրափակում է ամսագիրը: |