Մենք երբեք չենք լքում այն կանանց, ում հետ մեզ լավ ենք զգում:
Անգամ այն կանանց ենք դժվարությամբ հրաժեշտ տալիս, ում հետ երբևէ երջանիկ ենք եղել:
Մենք հասկանում ենք կանանց երկու անգամ ավելի քիչ, քան կցանկանայինք, սակայն երկու ամգամ ավելի շատ, քան մտածում ենք:
Մենք նույնպես երբեմն սիրով ենք զբաղվում ձեզ հետ, անգամ եթե այդքան էլ չենք ցանկանում: Պարզապես որպեսզի ձեզ չնեղացնենք:
Եթե դուք որոշում եք քնել մեզ հետ միայն այն ժամանակ, երբ հարկ եք համարում, ապա մենք նույնպես կարող ենք այդպես վարվել:
Մենք չենք վախենում ուժեղ կանանցից, պարզապես չենք հավանում նրանց այնպես, ինչպես դուք չեք հավանում թույլ տղամարդկանց: Երկու տեսակի մարդիկ էլ շատ խոցելի են, ուստի հեշտ են գտնում միմյանց. թույլ տղամարդուց և ուժեղ կնոջից բաղկացած զույգերը հազվադեպ երևույթ չեն. նրանք ավելի շուտ դասական են:
Երբեմն մենք իսկապես գիտենք, թե ինչ ենք անում, անգամ եթե դուք այդքան էլ չեք ուզում խոստովանել:
Մենք կարող ենք երկար և անվերապահորեն կատարել ձեր քմահաճույքները, սակայն միայն նրա համար, որպեսզի տեսնենք, թե ձեր եսասիրությունը մինչև որտեղ կարող է հասնել: Արդյունքներից են կախված հետևանքները: Աշխարհում մոտ երեք միլիարդ կին կա, ընդ որում նրանց մեջ գեղեցիկ և սեքսուալ կանայք ավելի շատ են, քան տղամարդկանց մեջ խելացի և հաջողակ տղամարդիկ: Մենք հիշում ենք դրա մասին այն ժամանակ, երբ մեզնից չափազանց շատ բան են պահանջում, սակայն փոխարենը չափազանց քիչ բան են տալիս:
Մեզնից քչերն են կանանց թմբլիկությունը համարում թերություն. տարիքի հետ մենք դրան ավելի ու ավելի քիչ ուշադրություն ենք դարձնում:
Եթե մենք աղջկան սրճարան ենք հրավիրում, դա դեռ ոչինչ չի նշանակում: Ոչինչ չեն նշանակում նաև ժպիտները, կատակները և այլ մանր ֆլիրտը: Մենք ձեզ պես աչք ենք դնում հակառակ սեռի ներկայացուցիչների վրա:
Մեզնից մեծ մասը գիտի լվացք անել: Ինչպես նաև հարդուկել, փոշիները մաքրել և անգամ ինչ-որ ուտելիք պատրաստել:
Մենք կույր չենք և նկատում ենք ձեր չսափրված ոտքերը, բշտիկները և մազերի չներկված արմատները, սակայն երբ իսկապես հավանում ենք ձեզ, ուշադրություն չենք դարձնում նման բաների վրա: |
