1.Վատ ժառանգականություն: Կա մարդկանց մի խումբ, որ ի ծնե դատապարտված է անհաջողության: պատճառը մտավոր արատն է: Երբեմն այսպիսի մարդիկ կարող են համագործակցել ավելի հաջողակների հետ: Այստեղ օգնության է հասնում «ուղեղային կենտրոնի» գաղափարը, որին հետագայում կանդրադառնանք: Վատ ժառանգականությունը միակ պատճառն է, որը դժվար է հաղթահարել:
2. Հստակ նպատակի բացակայություն: Ոչ ոք, նույնիսկ ամենատաղանդավոր մարդը, չի կարող հաջողության հասնել, եթե կյանքում կոնկրետ նպատակ չունի, Հիլլի կողմից հետազոտված մարդկանց ամեն 100 - ից 98 - ը չուներ այդպիսի նպատակ: Դա երեւի անհաջողության հիմնական պատճառն է.
3.Հավակնությունների (ամբիցիաների) պակաս: Հաջողության հասնելու հույս չի կարող ունենալ այն մարդը, ով չի ձգտում կյանքում առաջ գնալ եւ վճարել դրա համար համապատասխան գինը.
4.Կրթության պակաս: Սա խոչընդոտ է, որ կարելի է հաղթահարել համեմատաբար ավելի հեշտ: Փորձը ցույց է տվել, որ ամենակրթված մարդիկ հաճախ նրանք են, ովքեր զբաղվել են ինքնակրթությամբ: Կրթված մարդը նա է, ով սովորել է ստանալ իր ցանկացածը, առանց ուրիշների իրավունքները ոտնահարելու: Կրթության էությունը ոչ թե գիտելիք ստանալու մեջ է, այլ դրա արդյունավետ կիրառման: Մարդիկ չեն վճարվում իրենց իմացածի համար, այլ վճարվում են նրա համար, թե ինչ կարող են անել իրենց իմացածով.
5.Կարգապահության բացակայություն: Կարգապահությունը գալիս է ինքնավերահսկողությունից: Սա նշանակում է, որ պետք է վերահսկեք ձեր բոլոր բացասական որակները. Նախքան կկարողանաք կառավարել իրավիճակը, դու պետք է առաջինը կառավարեք ինքներդ ձեզ: Ինքնատիրապետումը դժվարագույն աշխատանքն է, որին երբեւէ կհանդիպեք: Եթե դուք չտիրեք ձեր եսին, այն կտիրի ձեզ: Հայելու առջեւ միաժամանակ կամ առանձին դուք կտեսնեք եւ ձեր ամենաուժեղ թշնամուն, եւ կամ ձեր լավագույն ընկերոջը.
6.Վատ առողջություն: Առանց ամուր առողջության, ոչ մի հաջողություն ձեզ բավականություն չի պատճառի: Վատ առողջության հիմնական պատճառները կապված են ինքնատիրապետման եւ ինքնավերահսկման հետ: Ահա օրգանիզմի տկարության հիմնական պատճառները,
- շատակերություն ու վնասակար սննդի օգտագործում,
- հոռետեսություն, վատի մասին մտածելու սովորություն,
- ֆիզիկական ակտիվության պակաս,
7.Ծանր մանկություն: Եթե շիվը ծուռ տնկեք, դրանից ծուռ ծառ կաճի. հաճախ հանցագործ հակումներ ունեցող մարդիկ այդ հակումների պատճառ են բերում իրենց վատ շրջապատը եւ վատ ծանոթությունները մանկության ընթացքում: Ընտրեք այնպիսի շրջապատ, որ կնպաստի ձեր առաջխաղացմանը:
