Ադրբեջանի հակահայկական քարոզչամեքենան ապրիլի 2-ին զավեշտալի իրավիճակում է հայտնվել: Ամեն օր ադրբեջանական մամուլը իբրեւ թե հայկական կողմի նախաձեռնած հրադադարի խախտման մասին լուրեր է հաղորդում:
Այդ հաղորդումների տերմինաբանությունը եւ ակնհայտ սխալներն առանձին հարց են: Սակայն այսօր ադրբեջանցի քարոզիչներն այնքան փնթի են վարվել, որ միանգամայն ակնհայտ ցույց են տվել նման հաղորդագրությունների մտացածին լինելը:
Facebook-ի իր էջում ՀՀ պաշտպանության նախարարի մամուլի քարտուղար Արծրուն Հովհաննիսյանը գործընկերների ուշադրությունը հրավիրում է 1news.az կայքում «02.04.2014 10:12» ամսաթվի ներքո հրապարակված հաղորդագրության վրա: Իրականում հաղորդագրությունը հայտնվել էր Երեւանի ժամանակով ժ. 9-ին, այսինքն՝ նշված ժամից 12 րոպե առաջ:
Ադրբեջանի քարոզչությանը բնորոշ այս դետալը ցույց է տալիս ոճը, որի դեպքում ցանկալին ներկայացվում է իրականի փոխարեն: |