IBM ընկերությունը հրապարակել է այն 5 նորարարությունների ցանկը, որոնք առաջիկա 5 տարում կփոխեն մեր կյանքը: Դրանք հիմնված են մարդու 5 զգայարանների վրա:
1.Հպում. շոշափելիքի զգայարանների
Հետադարձ շփման կապի մի քանի ձևեր արդեն իսկ կան՝ ճնշումը հաղորդող ռոբոտ-ձեռքը, վիբրացիաները հաղորդող տեսախաղերը, սարքավորումները կառավարող սենսորային վահանակները: Իսկ 5 տարուց մենք կարող ենք.
*զգալ և շոշափել այն, ինչը կարող ենք ձեռք բերել ինտերնետ խանութներում,
*զգալ զգեստի գործվածքն ու կտորը մեր հեռախոսի էկրանից,
*բժիշկները կարող են հեռավորության վրա անցկացնել իրենց հաճախորդների չմիջնորդավորված զննում սմարթֆոնների միջոցով:
2.Տեսողություն. պատկերների ճանաչում
Ժամանակակից համակարգիչները ընդունակ չեն ըմբռնել լուսանկարների բովանդակությունն ու ենթատեքստը: Նրանք հիմնվում են նկարներին մեր տված անունների և թագերի վրա: Իսկ առաջիկա 5 տարում համակարգիչները կարող են.
*վերլուծել և հասկանալ հազարավոր նկարների բովանդակությունը,
*սկանավորել բժկական պատկերները, որպեսզի վաղ փուլում հայտնաբերեն խնդիրները (թրոմբներ, քաղցկեղ),
*սոցիալական ռեսուրսներում ներբեռնված նկարների վերլուծությամբ ճանաչել աղետի գոտին,
*անվտանգության տեսախցիկների լուսանկարներով բացահայտել պոտենցիալ վտանգը:
3.Լսողություն. ձայնի բացահայտում
Ապագայի սարքավորումները կարող են ըմբռնել ձայներն այնպես, ինչպես մեր ուղեղը: Շուտով մենք կարող ենք.
*սմարթֆոնների հատուկ հնարավորությունների շնորհիվ հասկանալ երեխայի լացի, շան հաչոցի պատճառը.
*փոքրագույն շարժումները որսացող սարքերի միջոցով կանխատեսել սողանքներն ու ջրհեղեղները:
4. Համ. ծրագիր՝ եզակի մենյու ստեղծելու համար
Ապագայի համակարգիչները ձեզնից էլ լավ կիմանան, թե դուք ինչ եք սիրում ուտել: Նրանք կարող են
*սննդի բաղադրամասերի վերլուծությամբ հասկանալ, թե այն ինչ համի է,
*խորհուրդ տալ՝ ելնելով մեր առողջական վիճակից և համային նախասիրություններից,
*շեֆ-խոհարարների համար մշակել նորանոր բաղադրատոմսեր:
5.Հոտ. արհեստական քիթ
Ժամանակակից ալկոհոլային թեստերը արդեն կարողանում են բացահայտել արյան մեջ ալկոհոլի առկայությունը: Համակարգիչները կզգան շատ այլ հոտեր և
*սենսորների և հեռախոսների շնորհիվ կհասկանան, որ դուք հիվանդացել եք,
*կբացահայտեն սննդի մեջ վտանգավոր բակտերիաների առկայությունը՝ կանխելով թունավորումը,
*հոտով կբացահայտեն առողջական խնդիրները՝ երիկամային խնդիրներ, քաղցկեղ:
*կբացահայտեն պայթուցիկ նյութերն ու թմրամիջոցները: