Տարին ունի ոչ թե 365 կամ 366 օր այլ, 365.2425 օր: Չորս տարիների ընթացքում այս մնացորդները միմյանց են գումարվում են և դառնում մեկ օր: Աստղագետ Արեգ Միքայելյանը մեկնաբանեց օրացուցային այս փաստը: «Չորս տարիների ընթացքում այդ րոպեներ միացումից իրականում մեկ օր չի ստացվում: Բայց մենք չէինք կարող կիսատ օր անել, այդ պատճառով էլ որոշվեց յուրաքանչյուր 400 տարվա ընթացքում անել ոչ թե 100 նահանջ տարի, այլ 97: Այսինքն երեք նահանջ տարի պակասեցնելով մենք լիարժեքորեն կհամապատասխանենք արեգակի շուրջ երկրի պտույտին»,- ասաց նա: Աստղագետը տեղեկացրեց, որ գիտականների հաշվարկով, որպեսզի Արեգակի շուրջ Երկրի կատարած պտույտը լիարժեքորեն համապատասխանի, որոշվել է, որ յուրաքանչյուր 4-ի վրա չբաժանվող հարյուրամյակը այսուհետև նահանջ տարի չի լինելու: «Այսպիսով, 1700, 1800 և 1900 թվականները նահանջ տարիներ չէին, իսկ 1600-ը և 2000-ը նահանջ էին: Նահանջ տարիներ չեն լինի նաև 2100, 2200 և 2300 թվականները»,- ասաց նա, շեշտելով, որ դեռ երկար դարեր օրացույցում փոփոխություններ անելու կարիք չի լինի, քանի որ այն մեծ ճշգրտություն ունի: |