Google, Yahoo, Twitter, LinkedIn, Facebook, VKontakte և Odnoklassniki կայքերի ավելի քան 2 միլիոն գաղտնաբառեր տեղադրվել են համացանցային կայքերից մեկում: Մասնագետները կարծում են, որ դրանք տեղադրել են հաքերները: Այս մասին գրում է Russia Today-ի ռուսական ծառայությունը:
Գողացված գաղտնաբառերով կայքը հայտնաբերել են էլեկտրոնային անվտանգության Trustwave ընկերության աշխատակիցները: Այս ընկերության մասնագետներին հաջողվել է մուտք գործել «Պոնի» անունը կրող ծրագրի տվյալների բազա:
Տվյալների բազայում մասնագետները հայտնաբերել են Google, Yahoo, Twitter, LinkedIn, Facebook, VKontakte և Odnoklassniki կայքերի օգտատերերի գաղտնանունների և գաղտնաբառերի ավելի քան 318.000 կոմբինացիաներ: Ենթադրվում է, որ տվյալներն առևանգել են հատուկ վիրուսով վարակված համակարգիչներից:
