Մինչ այժմ էլ Բրիթնի Սփիրսը շարունակում է կուռք մնալ շատերի համար: Բայց Կոդ անվամբ մի երիտասարդ գերազանցեց նրա բոլոր երկրպագուներին: Նա պլաստիկ վիրահատությունների համար ծախսեց 93 հազար ԱՄՆ դոլար, որպեսզի նմանվի իր կուռքին: Վիրահատվել սկսել է 15 տարեկանից, իսկ 2002թ. դիմել ծայրաստիճան խելահեղ մի քայլի. 14-ժամյա վիրահատության արդյունքում նա սեռափոխ եղավ` վերածվելով աղջկա` բավականին նման երգչուհուն: Մոլի երկրպագուն նաև վստահեցնում է, որ էմոցիոնալ դաշտում էլ իրենք հոգեհարազատ են: Եթե երգչուհին դեպրեսիայի փուլում է, ապա նա` նույնպես, եթե Բրիթնին սափրում է գլուխը, նա` նույնպես,- բացատրել է Կոդին, ով հետագայում անունն էլ փոխեց` դարձնելով Կառա: Որքան էլ ֆանատներն անըմբռնելի են իրենց պահվածքով, երբեմն անգամ` վտանգավոր, այնուամենայնիվ, հենց նրանք են հասարակ մարդկանց դարձնում վերերկրյա կուռքեր:
|